Макрон Эммануэль: Урысейр хэмыту зэпIэзэрыт хъунукъым
2017-06-01
- Урысейм и Президент Путин Владимир япэу хуэ-защ Франджым и Iэтащхьэу хаха Макрон Эммануэль и къулыкъущIэм пэрыува нэужь. Къэрал лIыщхьэхэр тепсэлъыхьащ лъэныкъуитIым я зэхущытыкIэхэм, Сириемрэ Украинэмрэ къыщекIуэкI Iуэхугъуэхэм. Президентхэр зэгурыIуащ зэкъуэту терорризмэм ебэнын папщIэ лэжьакIуэ гуп къызэрагъэпэщыну икIи акъылэгъу зэдэхъуащ норманд щытыкIэр къагъэщIэрэщIэжу Европэм Шынагъуэншагъэмрэ зэдэлэжьэныгъэмкIэ IуэхущIапIэр (ОБСЕ) абы къыхашэну.
Нэгъабэ жэпуэгъуэм Урысей щэнхабзэ цент- рыр къыщызэIуахым Пу-тин Владимир Париж къыщыпэплъащ. АрщхьэкIэ президенту щыта Олланд Франсуа и администрацэм ар зэрыфIэмыфIыр къыщищIэм ди лъэныкъуэр щIегъуэжащ. Къэралым и Iэтащхьэ къулыкъум зэрыпэрыувэу Макрон Эммануэль езым Путиныр Франджым иригъэблэгъащ. Урысейр абы зэ- рыпэплъэр лъэныкъуи-тIым я зэпыщIэныгъэхэм и напэкIуэцIыщIэ къызэIуахынымкIэ IэмалыфIущ. Сыт щхьэкIэ жыпIэмэ франджы унафэщIу щытар ягу къызэринэжар Урысейм кърищэну къызэригъэгугъа «Мистраль»-хэр зэриубыдыжамрэ 2016 гъэм и бжьыхьэм траухуауэ, Путин щыщIегъуэжа зэIущIэм Сирием фIэкIа темыпсэлъыхьыну зэрытригъэчыныхьамкIэщ.- Макрон Эманнуэлрэ Путин Владимиррэ я зэIущIэр щекIуэкIар Версаль уардэунэрщ, император хьэщIэщу щытарщ. Музей комплексыр зыплъыхьакIуэхэм папщIэ зэхуащIат, арщхьэкIэ пэшхэм щIэз хъуат УФ-м, Франджым, нэгъуэщI къэралхэм я хъыбарегъащIэ IэнатIэхэм я лIыкIуэхэр.
- Зэпсэлъэныгъэхэр сыхьэтищым нэблагъэкIэ екIуэкIащ икIи абы иужь-кIэ зэгъусэу журналитс- хэм яIущIащ. Франджым и президентым и къэпсэлъэныгъэм ягу къыщигъэкIыжащ илъэс 300 ипэкIэ мыпхуэдэ лъэхъэнэм ирихьэлIэу урыс пащтыхь Пётр Езанэр Фраджым къэкIуауэ зэрыщытар икIи апхуэдэ дыдэу Версаль зэ-рекIуэлIар. Абы жиIащ франджы-урыс зэныбжьэгъугъэм и лъабжьэр а зэманым гъэтIылъа зэрыхъуар.
- Урысейм и Президентыр зэреплъымкIэ, лъэпкъитIым я зэдэлэжьэныгъэр куэдкIэ нэхъапэ щIидзащ.
- — ЩIэныгъэ зыбгъэдэлъ франджыхэр щыгъуазэщ урыс Аннэ — Франджым и пащтыхьу щытам; пщы Ярослав Iущым и пхъур и щхьэгъусэу щытащ Генрих I икIи и нэхъ мащIэу европей лъэпкъышхуи-тIым — Бурбонхэмрэ Валуахэмрэ — я лъабжьэр игъэтIылъри, Франджым и зыужьыныгъэм хэлъхьэ-ныгъэшхуэ хуищIащ. Абыхэм ящыщ зым иджыри Испанием тепщэр щиIыгъщ, — дыщIигъужащ Путин Владимир и лэжьэгъум жиIам.
- Псалъэмакъ
- зэIуха
- Урысеймрэ Франджымрэ я Iэтащхьэхэм жаIащ я еплъыкIэхэмкIэ зэрызэхъуэжар. ЛIыщхьитIри акъылэгъу зэдэхъуащ къэралитIми я къалэн нэхъыщхьэр терроризмэм ебэныныр арауэ зэрыщытыр. Макрон Эммануэль къыхилъхьащ террорым зэкъуэту ебэнын папщIэ урысей-франджы лэжьакIуэ гуп къызэрагъэпэщыну.
- КъищынэмыщIауэ, къэралитIым я президентхэр зэгурыIуащ гуманитар, экономикэ унэтIыныгъэхэм щаIэ зэпыщIэныгъэхэр ирагъэфIэкIуэну.
- -Хьэкъыу спхыкIащ Урысеймрэ Франджымрэ я еплъыкIэхэр иджырей политикэ щытыкIэм нэхърэ зэрынэхъ лъагэр. Псом нэхърэ нэхъыфIу ар къызыгурыIуэр, щытыкIэ гугъум емылъытауэ Уры-сейм жыджэру щылажьэ франджы бизнесырщ, — жиIащ Путин Владимир икIи къыхигъэщащ илъэс блэкIам къриубыдэу къэралхэм я сату зэпыщIэныгъэр процент 14-кIэ, мы гъэм и япэ мазищым процент 23,7-кIэ зэрыхэхъуар.
- Путин Владимирри Макрон Эммануэли Сирием къыщекIуэкI щытыкIэм хуаIэ еплъыкIэхэм я нэхъыбэр зэхуэдэщ. ЛIыщхьитIри и телъхьэщ а къэралыр зыуэ къызэтенэным. Ауэ франджы Iэтащхьэм трегъэчыныхь Асад Башар хэмыту демокра-тие къэралыгъуэ абы щызэфIэгъэувэным. Макрон зэрыжиIэмкIэ, щIыналъэм химие Iэщэр къыщыгъэ- сэбэпыныр къемызэгъыххэщ. Путин Владимир и псалъэхэм къызэрыхэщамкIэ, и нэгу къыхущIэгъэхьэркъым террорист гупхэр щылъэщ щIыналъэм и къэрал щытыкIэр зэтепкъутэурэ терроризмэм узэребэныну щIы- кIэр. УнафэщIхэр зэгурыIуащ «норманд зэхэтыкIэр» къагъэщIэрэщIэжыну. Мы махуэхэм УФ-м, Франджым, Германием, Украинэм я Iэтащхьэхэр иджыри зэ телефонкIэ зэпсэлъэнущ. Макрон Эммануэль жиIащ Донбассым зэпэщIэтыныгъэр щыужьыхмэ, УФ-м хуэгъэза санкцэхэр Iуахыжыну.
- Пресс-конференц нэужьым президентхэр еплъащ Пётр Езанэр Франджым зэрыкIуауэ щытам хухахауэ къызэрагъэпэща гъэлъэгъуэныгъэм.
- ЩIэныгъэлIхэм я еплъыкIэхэр
- Федерацэм и Сове-тым дунейпсо IуэхухэмкIэ комитетым и унафэщI Косачёв Константин «Изветия»-м игу къигъэкIыжащ хэхыныгъэхэм ипэ къихуэу Макрон Эммануэль Урысейм теухуауэ сакъыпэу зэрыщытар.
- — Сыщыуэну сыхуейкъым, ауэ нобэрей зэIущIэм къызэригъэлъэгъуам тепщIыхьмэ, Макрон нэхъапэм жиIахэр хэхыныгъэхэм зэрыщытекIуэн Iэмалщ. Президент къулыкъум пэрыува нэужь, абы лэжьыгъэм хуиIэ бгъэдыхьэкIэр гугъэфIхэр уэзыгъэщIщ. ЗэкIэ апхуэдэ еплъыкIэщ хузиIэр, — къыхигъэщащ сенаторым.
- Къэрал Думэм дунейпсо IуэхухэмкIэ и комите-тым и тхьэмадэ Слуцкий Леонид зэреплъымкIэ, зэIущIэм кърикIуахэр къэплъытэ хъунущ урысей-франджы зэпыщIэныгъэхэм ипэкIэ яча лъэбакъуэу.
- — Къыхэзгъэщыну сыхуейт, Европэм и къэкIуэнумрэ дуней псор зыгъэпIейтей Iуэхугъуэхэмрэ Мэзкуур хэмыту зэрыпхузэпкърымыхынур Макрон къызэрилъытар. Абы гугъэфIхэр уегъэщI лIэщIыгъуэ зыбжанэкIэ къекIуэкIа ди зэхущытыкIэхэр ефIэкIуэну Iэмал зэрыщыIэм, — дыщIигъужащ абы.
- Франджы-урысей къэпщытакIуэ центрым и унафэщI Дюбьен Арно иджырей зэIущIэм мыхьэнэш-хуэ иIэу Пётр Езанэр Франджым зэрыкIуауэ щытам пэджэжу къилъытащ.
- — ЛъэныкъуитIми я къалэн нэхъыщхьэр я еплъыкIэхэм темыкIыу иджырей щытыкIэм къикIынырщ. СызэреплъымкIэ, зэтемыхуэныгъэ щыщыIэ унэтIыныгъэхэр зэпIэзэрыт зыщIыр ипэкIэ кIуэтэнущ, — хуигъэфэщащ франджы щIэныгъэлIым.
- Изотов Сергей.
- «Изветия»