ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Нобэрэ пщэдейрэ

2020-05-21

  • Накъыгъэм и 21, махуэку
  • Кавказ зауэм хэкIуэда адыгэхэм я фэеплъ махуэщ. Къэбэрдей-Балъкъэр АССР-м и Совет Нэхъыщхьэм 1992 гъэм мазаем и 7-м къищта унафэм ипкъ иткIэ ягъэуващ.
  • Хьэршым и дунейпсо махуэщ
  • ЗызэхэщIыкIынымрэ зыужьыныгъэмрэ яхуэгъэпса щэнхабзэ зэмылIэужьыгъуагъэм и дунейпсо махуэщ
  • Урысейм и ВМФ-м и Хы Щэху флотым и махуэщ
  • Дзэ зэдзэкIакIуэм и махуэщ

  • Полярникым и махуэщ
  • 1904 гъэм Париж къыщызэрагъэпэщащ Футболым и дунейпсо зэгухьэныгъэр — ФИФА-р.
  • 1937 гъэм дунейм щыя-пэу мылылъэ щIыналъэм лэжьэн щыщIидзащ Совет Союзым ей «Северный полюс-1» станцым.
  • 2004 гъэм Налшык къыщызэIуахащ Кавказ зауэм хэкIуэда адыгэхэм я фэеплъ.
  • Совет физик, академик, цIыхухэм я хуитыныгъэхэм я къыщхьэщыжакIуэ, Нобель и цIэр зезыхьэ саугъэтыр зыхуагъэфэща Сахаров Андрей къызэралъхурэ илъэс 99-рэ ирокъу.
  • Совет тхакIуэ, жылагъуэ лэжьакIуэ, «Хэкум и пащхьэ щиIэ фIыщIэхэм папщIэ» орденым и етIуанэ нагъыщэр зрата Васильев Борис къызэралъхурэ илъэс 96-рэ ирокъу.
  • Къэрал къулыкъущIэ, УФ-м и Президентым и полномочнэ лIыкIуэу Кавказ Ищхъэрэ федеральнэ щIыналъэм щыIэ Чайкэ Юрий и ныбжьыр илъэс 69-рэ ирокъу.
  • Урысей Федерацэм зыхъумэжыныгъэмкIэ и министр, УФ-м и ЛIыхъужь Шойгу Сергей и ныбжьыр илъэс 65-рэ ирокъу.
  • Дунейм и щытыкIэнур
  •  «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 23 — 25-рэ, жэщым градус 14 — 16 щыхъунущ.
  • Накъыгъэм и 22, мэрем
  • Биологие зэмылIэужьыгъуагъэм и дунейпсо махуэщ
  • 1856 гъэм Третьяковым и цIэр зезыхьэ галереер къызэрагъэпэщащ.
  • 1911 гъэм Бельгием щыщ Тюэн къалэм къыщызэрагъэпэщащ Кинологхэм я дунейпсо зэгухьэныгъэр.
  • 1940 гъэм СССР-м и Совет Нэхъыщхьэм и Президиумым и УказкIэ къащтащ «Гъубжэрэ Уадэрэ» медалыр, Социалист Лэжьыгъэм и ЛIыхъужьым ира-тыр.
  • Тыркум щыщ спортсмен, Европэм бэнэкIэ хуитымкIэ и чемпион, 1948 гъэм екIуэкIа Олимп Джэгухэм дыжьын медаль къыщызыхьа Джандемыр (Гугъэжь) Адыл къызэралъхурэ илъэси 106-рэ ирокъу.
  • Германием щыпсэуа адыгэхэм ящыщ, Хэкум къэкIуэжа, философием и доктор, ЩIДАА-м и академик Озбек (Едыдж) Батырай и ныбжьыр илъэс 74-рэ ирокъу.
  • Дунейм и щытыкIэнур
  •  «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 24 — 26-рэ, жэщым градус 14 — 16 щыхъунущ.