ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Хьэдис лъапIэхэр

2020-03-24

 

  • Алыхьым нэхъ лъагъугъуей дыдэхэм яхебжэ пцIыупсхэр. Хьэдисым къыщыкIуащ: «ПцIыупсхэм яхебжэ зэхихар зы­Iуэтэжхэри».
  • *   *   *
  • Алыхьым фIыуэ илъагъуркъым дэуэн зыфIэфI цIыхухэр.
  • *   *   *
  • ЛIыкIуэм (Тхьэр арэзы зыхуэхъуам) жиIащ: «Фи Iуэхур къывэхъулIэну фыхуеймэ, фи мурадхэр хэIущIыIу фымыщI. Шэч хэмылъу, фыгъуэ зимыIэ щыIэкъым».
  • *   *   *
  • Тхьэр арэзы зыхуэхъуа Мухьэмэд бегъымбарым жиIащ: «Сэри согушыIэ, ауэ сыщыгушыIэм дежи, пэж фIэкIа жысIэркъым».

  • *   *   *
  • Хьэдисым къыщыкIуащ: «Къемэт махуэм гуэныхь нэхъыбэ зиIэнухэр псалъэ пцIы зэбгрызыхахэращ».
  • *   *   *
  • Тхьэр арэзы зыхуэхъуа ЛIыкIуэм жиIащ: «Мэрем махуэм хэтщ лъэIур къабыл щыхъу сыхьэт. Шэч хэлъкъым а зэманым къриубыдэу сыт хуэдэ лъэIури къабыл зэрыхъунум».
  • *   *   *
  • Хьэдисым къыщыкIуащ: «КIыфI дыдэ мыхъу щIыкIэ, фи сабийхэр унэм щIэфшэж. А зэманыращ шейтIанхэр уэрамым куэду щыдыхьэр».
  • *   *   *
  • ЛIыкIуэ лъапIэм жиIащ: «Унэхъуащ икIи насыпыншэщ, цIыхур игъэдыхьэшхын щхьэкIэ, щымыIа гуэрхэр къэзыгупсысурэ жызыIэр. Унэхъуащ апхуэдэхэр, унэхъуащ!».
  • *   *   *
  • Хьэдисым къыщыкIуащ: «ПцIы зыупсхэр, зэращIылIа зэгурыIуэныгъэм епцIыжхэр, дзыхь къыхуащIар зымыхъумэф­-хэр фэрыщIхэщ. Апхуэдэхэр фэрыщIщ, абыхэм нэмэз ящIми, ­КъурIэн еджэми, муслъымэну забжыжми, абы емылъытауэ».
  • *   *   *
  • Хьэдисым щыжеIэ: «Псалъэ гуапэри сэдэкъэм щыщщ».