ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Тхьэмбылыфэу зэщIоблэ

2020-03-24

  • Ираным и къалэ Шираз дэт «Насир ал-Мулк» мэжджытышхуэр 1888 гъэм яу­хуащ. Ар адрей мэжджытхэм къащхьэщокI и кIуэцIыр мывэ зэмыфэгъухэмкIэ къызэрыращIыкIамкIэ. Абы «Мэжджыт тхьэмбылыфэкIэ» йоджэ. Дыгъэ къыщеп­сым деж мэжджытым и кIуэцIыр тхьэмбылыфэу зэщIоблэ, и теплъэ гъуэзэджэр псалъэкIэ къыпхуэмыIуэтэным хуэдизщ.

  • Мэжджытыр яухуащ илъэсипщIым къриубыдэу. Ар апхуэдизу ин дыдэкъым, ауэ нэхъ дахэ дыдэу дунейм тетхэм ящыщщ. Пщэдджыжь нэмэзыр а мэжджытым зэ щызыщIам зэи щыгъупщэнукъым абы и теплъэ дахэр. Абы халъхьа абдж, мывэ зэмыфэгъухэм дыгъэ бзийр щыхыхьэжкIэ, ихъуреягъыр зэщIолыдэ. Мэжджыт пщIантIэм дащIыхьащ бассейн, абы бдзэжьей щагъашхэ. Мэжджытым и теплъэр зрагъэлъагъун къудей щхьэкIэ, дуней псом къикIыу туристхэр къокIуэ мы къалэм.