ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Нобэрэ Пщэдейрэ

2020-03-12

  • Гъатхэпэм и 12,
  • махуэку
  • Зэныбжьэгъу къэралхэм я зэгухьэныгъэм и махуэщ
  • Урысейм ЮстицэмкIэ и министерствэм и Уголовнэ-гъэзэщIакIуэ IэнатIэм и лэжьакIуэм и махуэщ
  • 1896 гъэм Санкт-Петербург и университетым ирагъэхри, дунейм щыяпэу радиограммэ хуаутIыпщащ а къалэм дэт Химие институтым щагъэува приёмникым. Абы папщIэ къагъэ­сэбэпащ физик цIэрыIуэ Попов Александр къигупсыса Iэмэпсымэр.
  • 1918 гъэм Совет правительствэм и унафэкIэ, Москва къэралым и къалащхьэ хъужащ. Гъатхэпэм и 11-м къулыкъущIэхэр Петроград кърагъэIэпхъукIакIэт.
  • 1922 гъэм Куржым, Армением, Азербайджаным Кав­казщIыб Социалист Фе­деративнэ Совет Республикэ (ЗСФСР) къызэрагъэпэщащ, Совет Союзым хыхьэу.
  • 1940 гъэм совет-финн зауэр иухащ. Абы теухуауэ СССР-мрэ Финляндиемрэ зэращIылIа зэгурыIуэныгъэм ипкъ иткIэ Выборг ­къалэмрэ Карелие КъухьэпIэ щIыналъэмрэ Совет Союзым ей хъуащ.

  • 1974 гъэм «Марс-6» совет станцыр Марсым тетIыс­хьащ икIи япэ дыдэу щIым къигъэхьащ абы и щIыгулъымрэ щыIэ щытыкIэмрэ теухуа хъыбарыр.
  • 1990 гъэм къызэIуахащ СССР-м и цIыхубэ депутатхэм я зи мычэзу III съездыр. Коммунист партыр къэ­ралым и унафэщIу зэ­ры­щытыр щыубзыхуа 6-нэ статьяр Совет Союзым и Конституцэм абы щыхагъэкIащ.
  • 1999 гъэм НАТО-м хыхьащ социалист къэралыгъуэу щы­тахэу Чехиер, Польшэр, Венгриер.
  • 1912 гъэм къалъхуащ мэкъу­мэш щIэныгъэхэм я доктор, профессор, УФ-ми КъБР-ми щIэныгъэхэмкIэ щIыхь зиIэ я лэжьакIуэ КIэрэф Къамболэт.
  • И ныбжьыр илъэс 75-рэ ирокъу Урысей Федерацэми Адыгейми я цIыхубэ су­рэтыщI Къат Теувэж.
  • Химие щIэныгъэхэм я док­тор, КъБКъУ-м и профессор, ЩIДАА-м и академик Хъурей Арсен и ныбжьыр илъэс 65-рэ ирокъу.
  • Дунейм и щытыкIэнур
  • «pgda.yandex.ru» сайтым зэритымкIэ, республикэм пшэр техьэ-текIыу щы­щытынущ. Махуэм хуабэр градус 16 — 18, жэщым градуси 8 — 9 щыхъунущ.
  • Гъатхэпэм и 13,
  • мэрем
  • Планетарийхэм я дунейпсо махуэщ
  • 1733 гъэм франджы литературэм и классик Шар­лоттэ Аиссе (ХьэIишэт) дунейм ехыжащ.
  • 1869 гъэм Менделеев Дмитрий химием и пкъы­гъуэхэм я таблицэр зэхигъэувэн иухащ.
  • 1938 гъэм урысыбзэр Совет Союзым и школ псоми Iэмал имыIэу щаджын хуей предмету ягъэуващ.
  • 1954 гъэм СССР-м Шы­нагъуэншагъэмкIэ Къэрал Комитет (КГБ) къыщызэрагъэпэщащ.
  • 1989 гъэм Интернетыр ­къагупсысащ инджылыз щIэныгъэлI Бернерс-Ли Тим­рэ и лэжьэгъухэмрэ. Иджы ар къыщамыгъэ­сэ­бэп щIыпIэрэ IэнатIэрэ щы­Iэжкъым.
  • Къызэралъхурэ илъэси 120-рэ ирокъу композитор, Урысей Федерацэми Къэ­бэрдей-Балъкъэрми гъуазджэхэмкIэ щIыхь зиIэ я лэжьакIуэ Шейблер Трувор.
  • 1939 гъэм къалъхуащ Уры­сей Федерацэм гъуазджэхэмкIэ щIыхь зиIэ и лэжьакIуэ, Къэбэрдей­-Балъ­къэрым щэнхабзэмкIэ щIыхь зиIэ и лэжьакIуэ Шумахуэ Владимир.
  • 1941 гъэм къалъхуащ ­УФ-м щIыхь зиIэ и метролог, КъБР-м промышленностымкIэ щIыхь зиIэ и лэжьакIуэ Шурдым Юрэ.
  • 1953 гъэм къалъхуащ къэ­рал лэжьакIуэ, социологием и доктор, профессор, ЩIДАА-м и академик, ­Адыгэ къэрал университетым и ректору щыта Хъу­нэгу Рашид.
  • Дунейм и щытыкIэнур
  • «pgda.yandex.ru» сайтым зэритымкIэ, республикэм пшэр техьэ-текIыу щы­щы­тынущ. Махуэм хуабэр градус 17 — 19, жэщым градуси 6 — 7 щыхъунущ.
  • Зыгъэхьэзырар Хьэтау  Ислъамщ.