ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

2020-03-06

  • КIэщт  Мухьэз
  • Си анэм деж
  • Си анэ дыщэ, жэщ вагъуэншэу
  • КIыфIщ ди унэр махуэ дыдэм.
  • Жьыбгъэ пэтрэ бжьыхьэкIапэм
  • КъыкIэщIэсщ,
  • сэ къысхуэшхыдэу.
  • Къыздэщыгъуэрэ ди пэшыр,
  • Къыздигуэшу гуауэ щIыIэр?
  • Зы жимыIэу щхьэ щым ари,
  • Щхьэ нэщI хъуа, ябгына пщыIэу?

  • Щытыгъати, пщIэжрэ, япэм
  • Хьэблэм дэсым мыр я кIуапIэу,
  • Жьыми щIэми, зэралъэкIкIэ,
  • КъыщIыхьахэм ар я гуапэу.
  • Къэбгъэнащи иджы нэщIу
  • И тIысыпIэр нэщхъеягъуэм,
  • Уэ уи теплъи, уи ныбжь дыди
  • Зы плIанэпи дэзмылъагъуэ.
  • Зэхэсхыжкъым и уэрэдыр
  • Iэрыгъадэ уи машинэм:
  • Ар сабалъэу къуэтщ бжэ
  • къуагъым,
  • Бзагуэу щылъщ пIыгъа
  • уи пшы­нэр.
  • Зэт! Зэхэсхрэ лъэ макъ
  • гуэрхэр?
  • Си гугъати укъэкIуэжу,
  • Си гуфIэгъуэхэр псы уэру,
  • МыкIуэщIыжу къысхуэпшэжу.
  • Ауэ ноби къоIущащэу,
  • ПщIащэ минкIэ хуэму къоджэу,
  • «Къэуш», — жиIэу лъаIуэ хуэдэ,
  • Жыг хэссар щхьэщытщ
  • уи мащэм.
  • Къэжэр Пётр
  • Анэгу
  • СщIэркъым уи щхьэцым
  • тхъугъэ лей
  • Сэ си зэранкIэ къыхэхъуами, —
  • СолъэIу бгъэгъуну
  • щезгъэлейм, —
  • Уи нэкIу зэлъэнт-тIэ сэр
  • мыхъуамэ!
  • Сэ си уIэгъэу къысфIощIыж
  • НапIэм тезашэ уи лэдэххэр…
  • Мес, мастэр гукIэ зэфIощIэж,
  • Нэпсыншэ хъуащи уи нэ дахэр,
  • СщIэркъым уи нэпсыр
  • стебухам
  • Сэ сумыгъагъыу,
  • Сыгъын хуеймэ.
  • Сэркъэ уэ гуащIэ щIэбухар
  • Уэ хьэлъэр къапщтэу,
  • СIыгъын хуеймэ?!
  • СощIэж мазэгъуэ жэщу пхьар
  • Унапхъэу
  • Чырбыш бгъэж, бгъэгъущу.
  • ПIэ хуаби уи щхьэр хуумыхьау,
  • УдэкIырт губгъуэм уэ
  • нэхумыщу…
  • Гъэр плIыщIрэ щырэ!
  • Зэман Iейт,
  • УздыхуэпIащIэр укIэрахъуэу!
  • Ауэ, итIани, дэ щIыкIей
  • ДищIакъым ем къиIэт
  • кIэрахъуэм!
  • Абы уи фIыгъэ хэлъщ, анэгу,
  • Хэлъщ, уи быдзышэ
  • тIурылъащи!
  • Хэлъщ текIуэныгъэри уи нэгу
  • ЦIыху текIуэныгъэуэ къищащи!
  • Анэгурэ щIыгурэ зэдопсэу!
  • Анэгур бынырщ зэрыпсэур, —
  • Арщ дыхэзышри гъащIэ
  • пшагъуэм.
  • Иджы тщыгъупщэжау а псор,
  • Укъыдэшхыдэм, дощI ди жагъуэ.