ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Хэт хъуну Бекович-Черкасскэ Елмырзэ?

2020-02-15

  • Илъэс зыбжанэ ипэ «Адыгэ псалъэм» тетащ Прагэ щыщ тхакIуэ, усакIуэ цIэрыIуэ Чех Сватоплук (1846-1908) и къалэмыпэм къы­щIэкIа «Шэрджэс» Iуэтэжыр. Ар урысыбзэкIэ зэридзэкIри, 1925 гъэм хэIущIыIу ищIауэ щытащ Бекович-Черкасскэ Елмырзэ.
  • СЫТ И ХЪЫБАР езы Бекович-Черкасскэм? Ар 1899 гъэм Мэздэгу и Iэшэ­лъашэм — Бэчмырзэхэ я жылэм — къыщалъхуащ, Къэбэрдейми Урысейми щыцIэрыIуэ пщы лъэпкъым къыхэкIащ. И анэ ФатIимэт ХьэтIохъущокъуэхэ япхъущ. Мэздэгу, Шэткъалэ (Ставрополь), Тэрчкъалэ (Владикавказ) щеджащ, Граждан зауэм и зэманым Къэбэрдей шу дивизэм щыщ Къэбэрдей полкым хэтащ, штабс-ротмистр хъуауэ.

  • 1920 гъэм и ужькIэ къэралым икIри, Прагэ (Чехие) щыпсэуащ, абы дэт Урыс университетыр къиухащ, 1928 гъэм дунейм ехыжащ.
  • Бекович-Черкасскэ Елмырзэ публицистикэ тхыгъэ гъэщIэгъуэн куэд къызэринэкIащ: «Возрождение горцев Кавказа», «Полезные растения Кавказа: лесные породы», «Борьба за язык на Северном Кавказе», «Из пражских записок горца», «Открытое письмо Н. А. Бигаеву», нэгъуэщIхэри. Зэгуэр къызэрыдэкI лъандэрэ ахэр традзэжакъым, нобэрей щIэблэр щыгъуазэ щIын хуейуэ яхуэфащэми.
  • КЪАРТУЛ  Гъузер.