ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

2018-11-07

  • ЩОДЖЭНЦIЫКIУ Алий
  • Ленин
  •  Уи идее иным бэлыхь уэрдыхъур
  • ЩIы къуза шарым къыфIегъэлъэлъ,
  • Материк жыжьэхэм жыр лъэхъу
  •  фIыцIэжьхэр
  • Уи гений макъымкIэ къызэролъэлъ.
  • Ильич, нып плъыжьыр щIыхэптIа
  •  щIыпIэр —
  • Дэ ди планетэм и купсэ наIуэщ,
  • А уи Iэ лъэщыр щыпIэта хэкур
  • Лъэныкъуэ псомкIи зы дыгъэ
  •  гъуазэщ.

  • Пащтыхь лъыифхэм я дыщэ тажхэр
  • Уэ укъыщалъхум улъиигъат.
  • Нэрымылъагъуми, я гум укъищIэу,
  • Дуней лэжьакIуэр пщыгуфIыкIат.
  • Уэрщ япэ дыдэу зы къэралышхуэр
  • ЦIыхугъэ дахэм ныхуэзышар,
  • Абы народхэу щыпсэу гъунэжхэр
  • ЗэщыгуфIыкIхэу здэпсэу зыщIар.
  • Махуэл димыхыурэ уэ хэпса жылэм
  • ЩIылъэм и напэр къегъэщIэращIэ,
  • ПсэукIэ дахэм, гъащIэ гуфIэгъуэм
  • ХэхъукIа щIэблэхэр уэ
  •  къыпхуохъуахъуэ.
  • Уафэми щIылъэми уэ уи лэжьыгъэм
  • Ди цIыхухэр тепщэ щищIащ.
  • ГъащIэм и дахэр зэхуэгуфIэжхэу
  • Абы яухуэхэу щIадзащ.
  • Уэ уи уэсятхэмкIэ къэгъэгъа хадэхэм
  • Я удз дэтхэнэми уи фэр идоплъ,
  • Псалъэ гуфIэгъуэхэм уи цIэр
  •  къыхэщурэ
  • Уи лъагъуныгъэр ди гум щолыд.
  • Сэ планетэхэм сылъэтэфатэмэ,
  • Уи цIэр си натIэу зезгъэлъагъунт,
  • Абы я дежым цIыхухэр щакъузмэ,
  • А си дамыгъэмкIи
  •  къезгъэутIыпщынт.
  • Уэ насып иныр къыдэзытауэ
  • ЦIыхугъэ адэм псалъэ бжызоIэр —
  • Iуэху къэбгъэнахэм къеIусэ бийхэм
  • Сащымысхьыну узогъэгугъэр.
  • 1937 гъэ
  •  
  • МечиевКязим
  • * * *
  • Ди Совет властыр — дыщэ жыгщ.
  • Ар лъэщщ, къулейщ, щымыщтэ зым.
  • Къытхуохъу и бынхэм щIэгъэкъуэн.
  • Абы къебийр и бийщ Кязим!
  •  
  • Ленин
  •  
  • ФедаIуэ аргуэру ди цIыхухэ,
  •  ди бгыжьхэ,
  • Мы си гум жиIэну зыхуейм.
  • Пэж псалъэр куэд щIауэ щытащ
  •  къыфхуэлажьэу,
  • И телъхьэщ иджыри зигу хейм.
  •  
  • Къыр уардэр щытщ лъагэу,
  •  борэнкIэ мыхашэу,
  • Ильич нэхъ лъагэжу тщхьэщытщ.
  • Iэхъулъэхъур зэпичу дэ япэкIэ
  • дишэрт, —
  • Иджыри дыриджэ зэпытщ.
  •  
  • Мылажьэу шхэ псоми я гугъэр
  •  IэщIихыу
  • ИщIащ къэрэхьэлъкъыр зэкъуэш.
  • Е фIыцIэ чэщанэр абы игъэщахэу
  • Щхьэхуиту дегъэбэуэж.
  •  
  • Ар пщIэншэу дэр папщIэ зэуакъым
  •  гъэ куэдкIэ, —
  • Бэлыхьым дыкъыхихащ,
  • Щхьэхуитыныгъэм и куэбжэр
  •  ди адэм
  • ТхьэмыщкIэм тхузэIуихащ.
  •  
  • Пэж дыгъэщ, къуэшыгъэ быдапIэщ
  •  ди Ленин,
  • Уэрэду ар гъащIэм хыхьэнщ.
  • Сэ шэч къытезмыхьэ: абы и
  •  гъуэгуанэм
  • ЩIым цIыхуу тет псори техьэнщ.
  •  
  • Щхьэхуитыныгъэ дуней зыухуари
  • ЛIащ. Ауэ щопсэу ар мы щIым
  • Ди дежкIэ иджыри.
  • ФедэIу къэрэхьэлъкъыр
  • Къыветыр чэнджэщи Кязим:
  •  
  • Пщыжь ябгэм, уэркъыжьхэм ягу илъхэр яхуэфщIэу
  •  
  • КъывжаIэр фи фIэщ фэ фымыщI:
  • Бгым мывэ гуэхунум, укъаскIэу
  •  зебгъэщIкIэ
  • Уишэнкъым щыхупIэм нэмыщI.
  •  
  • Ильичщ ди къарур дэ, арщ ди псэр,
  •  арщ ди нэр,
  • Зы къурши абы едмыгъэщхъ.
  • Сэ Ленин сыхуэкIуэрт,
  •  — къысхуэкIуэри Ленин
  • СищIащ щIым тет псоми нэхъ лъэщ.
  • 1937 гъэ
  • ЗэзыдзэкIар Тхьэгъэзит Зуберщ.
  •  
  •   
  • КIуащ БетIал
  • Владимир Ильич Ленин
  •  ИдейкIэ пщIащ къэралыр нэху,
  • Уи щIыхь хэмылъу длэжькъым Iуэху,
  • ИдоIуэр уи цIэр дыпсэлъэху,
  • Хэпшащ гъуэгу захуэ, Ленин!
  •  
  • Уи теплъэ лъапIэр гум имыху,
  • Уи гъуэгу дбгынэнкъым щIыр
  •  щытыху,
  • Тетакъым щIылъэм пхуэдэ цIыху,
  • Владимир Ильич Ленин!
  •  
  • Насыпу диIэм щIэ щIэткъым,
  • Ди фIыгъуэм хэхъуэу кIуэ зэпытщ,
  • Уи нып щэджащэр къытщхьэщытщ,
  • Ар зыхьыр Сталинщ, Ленин!
  •  
  • Уи нып щохуарзэр уэ Пекин,
  • Уи Iуэхум иIэщ гъащIэ ин,
  • ЩыпхокI ар Прагэ, Рим, Берлин,
  • Дуней лъыщIысу Ленин!
  •  
  • Иребгэ бампIэу Вашингтон,
  • ПытщIащ каналкIэ Волгэм Дон,
  • Каналым уи цIэр къэрал псом
  • Ди гуапэу фIэтщащ, Ленин!
  •  
  • Ди пашэщ Сталин, ди насыпщ,
  • Ар зэрытекIуэр уэ уи ныпщ,
  • Абы къуэмытыр кIуэдыж гупщ,
  • Ар токIуэр бийхэм, Ленин!
  •  
  • Народым иIэщ гъащIэ из,
  • Дыхуешэр Сталин коммунизмэм,
  • Гушхуагъэ зиIэ дэ тхуэдиз
  • Къэрал щымыIэ, Ленин!
  •  
  • МэзащIэр пщIахэр уэ мурад,
  • Щаухуэр ГЭС Куйбышев,
  •  Сталинград,
  • Къум пэгъунэгъухэм Ашхабад,
  • Уи нэху щыщIонэр, Ленин!
  •  
  • ИдейкIэ пщIащ къэралыр нэху,
  • Уи щIыхь хэмылъу длэжьакъым
  • Iуэху,
  • ИдоIуэр уи цIэр дыпсэлъэху,
  • Хэпшащ гъуэгу захуэ, Ленин!
  •  1953 гъэ
  •  
  • Октябрь
  •  
  • ЩIым дытетми цIыхуу
  • Дылъэпкъ дэхуэхат,
  • Ауэ зэман дахэу
  • Октябрь къытхуэкIуат.
  •  
  • Хьэрфхэр тфIэтелъыджэт,
  • Еджэр ди ауант,
  • Дуней псор тфIэныджэт,
  • ГъащIэр тфIэшыуат.
  •  
  • Куэдрэ дэ мэщIагъкIэ
  • Бийр къыттегушхуэфт.
  • Убзэр джатэ щIагъкIэ
  • Бийм зыIэщIилъхьэфт.
  •  
  • Арти лъэпкъым дибэт
  • ФIым хуэерыщыф,
  • ФIым пэплъэф нэхъыбэт,
  • МащIэт бжьым щIэтыф.
  •  
  • Сытри дымыщIами
  • Я бжьым дыщапIынт,
  • Мыгъуэу къытщыщIами
  • Хэхъуэ зэпытынт.
  •  
  • Ауэ Немизидэу
  • Октябрь къэсащ,
  • Лей къытлъыс имыдэу
  • Дыгъэу къытхуепсащ.
  •  
  • Мисс а лъэхъэнэфIым
  • УдигъэцIыхуащ,
  • Уэ пщыхуа ди нэфIым
  • Гур игъэнэхуащ.
  •  
  • 1957 гъэ