• ЦIыхубэ хъыбарегъащIэ IэнатIэм и лэжьакIуэхэу, ветеранхэу пщIэ зыхуэтщIхэ!
• Урысей печатым и махуэмкIэ сынывохъуэхъу!
• Махуэшхуэм нобэ зэкъуигъэувэр хъыбарегъащIэ IэнатIэм и къудамэхэу тедзауэ дунейм къытехьэхэм щылажьэхэм, къыдэзыгъэкIхэм, полиграфием епхахэм я закъуэкъым, атIэ медиазэгухьэныгъэм хиубыдэ псоми ехьэлIащ ар.

Псоми еджэн…

• «Адыгэ псалъэ» газетым и лэжьакIуэхэу пщIэ зыхуэсщIхэ!
• ЛДПР партми си щхьэми къабгъэдэкIыу сынывохъуэхъу фи IэщIагъэм епха махуэшхуэмкIэ — Урысей печатым и махуэмкIэ!

Псоми еджэн…

• УФ-м и Совет Нэхъыщхьэм и Президиумым къищта унафэм ипкъ иткIэ, 1991 гъэм щегъэжьауэ, Урысей печатым и махуэр щIышылэм и 13-м ягъэлъапIэ. Къэралым и тхыдэм къызэрыхэщыжымкIэ, а махуэращ цIыхухэм япэ дыдэ щаIэрыхьауэ щытар Петр Езанэ пащтыхьым и жэрдэмкIэ 1703 гъэм зэхаубла «Бытырбыху хъыбархэр» («Санкт-Петербургские ведомости») газетыр.

Псоми еджэн…

• КъБР-м узыфэ зэрыцIалэ нэхъ шынагъуэхэр зэфыкIхэм щеIэзэ и госпиталхэм щIэт диагностикэ Iэмэпсымэжьхэм я пIэкIэ щIэхэр къаIэрыхьащ.

Псоми еджэн…

•  Урысей печатым и махуэр дыгъуасэ Iэтауэ щагъэлъэпIащ КъБР-м ЩэнхабзэмкIэ и министерствэм. Абы щызэхуашэсат республикэм и хъыбарегъащIэ IэнатIэм нэгъабэ ехъулIэныгъэхэр щызэзыгъэгъуэта IэщIагъэлI пажэхэр.

Псоми еджэн…

• Спортым рекорд щагъэувхэм кIэлъыплъхэр щыгъуазэщ Къармэхьэблэ щыщ, Бахъсэн къалэ щыпсэу Шэру Мурат и цIэми, и зэфIэкIхэми. 2004 гъэм Налшык къалэ щекIуэкIа «Наркотикхэм пэщIэт спорт» зэхьэзэхуэм и утыкум ита адыгэ щIалэщIэр куэдым гукъинэ ящыхъуат — щIым нэмысу топыр лъакъуэ ижь защIэкIэ минищым нэблагъэкIэ дрихуеяуэ щытат. Абы къыщыщIэдзауэ Шэрур хущIокъу и лъэкIым нэхъри зригъэубгъуну, ар нэхъыбэм яригъэлъагъуну.

Псоми еджэн…

• Урысейм и журналистхэми и тхакIуэхэми я зэгухьэныгъэхэм хэт, Къэрэшей-Шэрджэс Республикэм щIыхь зиIэ и журналист Абидокъуэ (Щохъужь) Лусанэ и Iэдакъэ къыщIэкIа, «Нэмыгъэса макъамэ» фIэщыгъэцIэр зиIэ тхылъ купщIафIэ илъэсыжьым и иужьрей махуэхэм дунейм къытехьащ.

Псоми еджэн…

• ЩIЫШЫЛЭ (ЯНВАРЬ)
• ЩIышылэм и 15
• 1906 гъэм къалъхуащ 115-нэ Къэбэрдей-Балъкъэр шууей дивизэм и комиссар, Ленин, Вагъуэ Плъыжь орденхэм я  кавалер Хьэтыкъуей Iэбубэчыр.
• 1936 гъэм къалъхуащ IуэрыIуатэдж, адыгэ уэрэдыжьхэр зыгъэзащIэ, шэрджэс усакIуэ, тхакIуэ Шэрджэс Алий.
• ЩIышылэм и 17
• Сабийхэм я къэхутэныгъэм и махуэщ
• 1956 гъэм къалъхуащ шэрджэс еджагъэшхуэ, химие щIэныгъэхэм я доктор Темырдащ Зэуал.
• 1966 гъэм къалъхуащ КъБР-м щIыхь зиIэ и артист, КъБР-м и Къэрал саугъэтым и лауреат, культурологие щIэныгъэхэм я кандидат, жылагъуэ, политикэ лэжьакIуэ, КъБР-м щэнхабзэмкIэ и министр Къумахуэ Мухьэдин.

Псоми еджэн…

• Нэгъабэ и кIэуххэм и зы махуэ гуэрым си деж телефонкIэ къэпсэлъащ филологие щIэныгъэхэм я доктор, академик, Адыгеймрэ Къэбэрдей-Балъкъэрымрэ щIэныгъэмкIэ щIыхь зиIэ я лэжьакIуэ ХьэкIуащэ Андрей. «Си лIыжьыщхьэ (дыгъэгъазэм и 27-м и ныбжьыр илъэс 91-рэ ирикъуащи, Тхьэм куэдрэ узыншэу ди япэ иригъэт!) хабзэ пыухыкIа зимыIэ Iэпщэрызауэм сыдихьэхыу соплъ, — къригъэжьащ абы. — Нобэ телевизорымкIэ къигъэлъэгъуа Токов Анатолий сызэрыIуплъэу адыгэфэ есплъащ, ауэ репортажым апхуэдэ лъэпкъ къыхэщакъыми, зищIысыр къыпхуэщIэфын?».

Псоми еджэн…

• Дунейпсо Адыгэ Хасэ, Къэбэрдей Адыгэ Хасэ, ХьэтIохъущокъуэ Къазий и цIэр зезыхьэ Адыгэбзэ Хасэ жылагъуэ зэгухьэныгъэхэм хэтхэм, Зеикъуэ къуажэ администрацэм, «Адыгэ псалъэ» газетым я лэжьакIуэхэм гущIыхьэ ящыхъуащ лэжьакIуэ гуащIафIэ, цIыху гуапэ Нэхущ Анатолэ Гъэфар и къуэр дунейм зэрехыжар икIи абы и унагъуэм, и Iыхьлыхэм, и благъэхэм яхуогузавэ

• Чэрим Марианнэ
• Роман. ЕтIуанэ Iыхьэ
• 1
• Унагъуэ зэкIэлъыкIуэ
• — И адэр лъэхъуэщым иригъэлIыхьащ, бжесIэр зэхэпхрэ? Илъэс псо трыдигъэлъхьащ, псэлъапIэ къыдимыту. Судым къашэху сыIуплъэну Iэмал згъуэтакъым. ХьэщхьэрыIуэ гуэр си гугъащ. ЛIы хъарзынэ дыдэ, игъащIэкIи екIуэтэкI къыбжимыIэфыну. И гъунэгъу ефэрейр IэщIэукIауэ арат. Нобэ яшэжащ. ЩIэлъхьапIи къаритрэ? ЗигъэкIуэдауэ закъригъэгъуэтыркъым. БзэмыIу цIыхубзыжь цIыкIу гуэр иришэжьауэ Геленджик дэсу жаIэ.
• ПщэфIапIэмкIэ блэкI Рэхьмэ и адэ-анэр зытепсэлъыхьыр зэры-Маратыр занщIэу къыгурыIуакъым.

Псоми еджэн…