Адыгэхэм ятеухуа маркэхэр къыдагъэкI
2020-08-25
- Адыгэхэр зэрыс къэрал куэдым ди лъэпкъым ехьэлIа Iуэхугъуэхэр къызытещ маркэ зэмылIэужьыгъуэхэр къыщыдагъэкI ди къуэшхэм я жэрдэмкIэ.
- Апхуэдэ маркэхэр щыIэщ Iуащхьэмахуэ, адыгэ фащэм, адыгэ къафэм, нэгъуэщI куэдми хуэгъэпсауэ. Иужьрей илъэсхэм Тыркум къыщыдагъэкIа маркэхэм ящыщу зыбжанэм я сурэт къытIэрыхьащ. Ахэр теухуащ Адыгэ Республикэм и махуэм, Хэкум къэзыгъэзэжахэм я махуэм, Адыгэм и щыгъуэ-щIэж махуэм, Адыгэбзэм и махуэм, лъэпкъ лIыхъужь ЩэрэлIокъуэ Дыгъужьокъуэ Къызбэч.
- Маркэхэм я теплъэр дахэщ, удэзыхьэхщ. Ауэ нэхъыщхьэр абыхэм я купщIэрщ, адыгэ лъэпкъым и тхыдэ гъуэгуанэмрэ нобэ щIыхь хуищIу къыдекIуэкI Iуэхугъуэхэмрэ зэратеухуарщ. ТхылъымпIэ кIапэ цIыкIухэмкIэ зэпыщIа мэхъу блэкIамрэ къэкIуэнумрэ, къэралым, лъэпкъым я дыгъуасэмрэ нобэмрэ. Мыхьэнэшхуэ зиIэ Iуэхугъуэ куэд яхъумэ абыхэм.
- Зи гугъу тщIы маркэхэр бжыгъэкIэ куэд хъуркъым икIи ящэну къыдагъэкIакъым. Ахэр зытеухуа Iуэхум и фэеплъу езыр-езыру зэбграгъэкIыну аращ.
- Къэбарт Мирэ.