ТекIуэныгъэм и парадыр — 2020 гъэ, мэкъуауэгъуэм и 24-м
2020-06-26
- Катюшэ
- («Катюша».
- Псалъэхэр Исаковский Михаил,
- макъамэр Блантер Матвей яйщ, 1938 гъ.)
- Къэгъэгъахэщ мыIэрыси кхъужьи,
- Пшагъуэ Iувхэр псым къыщхьэщыхьащ.
- Пщащэ закъуэ къыпхуолъагъур жыжьэу:
- Ар Катюшэ бжьэпэм къытехьащ.
- Къытехьащи, щIедзэ и уэрэдым,
- ЩIалэ хахуэм щхьэкIэ иусам, —
- Зи письмохэр хуэсакъыу ихъумэу,
- Гурэ псэкIэ фIыуэ илъэгъуам.
- Лъатэ, лъатэ, си уэрэдыр лъатэ,
- Дыгъэ гъуэгукIэ си псэр схунэхьэс,
- Ди къэрал гъунапкъэхэр здахъумэм,
- ЗауэлI щIалэм мыр схулъэгъэlэс:
- Къыппежьэнщ Катюшэ, къэбгъэзэжмэ,
- И гурылъхэр уэ къыбжиIэжынщ.
- Уи IэнатIэр быдэу пхуэгъэпэжмэ,
- Псалъэ ттахэр сэ схуэгъэпэжынщ.
- Уи IэнатIэр быдэу пхуэгъэпэжмэ,
- Псалъэ ттахэр сэ схуэгъэпэжынщ.
- Къэгъэгъахэщ мыIэрыси кхъужьи,
- Пшагъуэ Iувхэр псым къыщхьэщыхьащ.
- Хэт мо нэпкъым къыщылъагъуэр жыжьэу?
- Ар Катюшэ бжьэпэм къытехьащ.
- Хэт мо нэпкъым къыщылъагъуэр жыжьэу?
- Ар Катюшэ бжьэпэм къытехьащ.
-
Санкт-Петербург къалэ
-
Тула къалэ
-
Симферополь къалэ
- ЩIыунэм
- («В землянке».
- Псалъэхэр Сурков Алексей,
- макъамэр Листов Константин яйщ, 1942 гъ.)
- Пэшхьэку цIыкIуу жьэражьэр ди жьэгущ,
- Сагъыз ткIуэпсхэр уи нэпсу къысфIощI.
- Сэлэт пшынэр щIыунэм щоджэгу,
- Си гупсысэм макъамэр къыдощI.
- Сэтей жьыбгъэм кIэщIэтщ уэ уи макъ,
- Мэзкуу уэсым уи нэгур къыхощ,
- Къыстеуащи уи зэшыр — сигу хощI,
- Ди уэрэдым и макъыр хуит дощI.
- Къыстеуащи уи зэшыр — сигу хощI,
- Ди уэрэдым и макъыр хуит дощI.
- Ди зэхуакур уэс кIэншэм есей,
- Борэн макъщ щызэхэпхыр мыбдей.
- Сынэсыну уи деж — ар гъуэгу кIыхьщ,
- СыкIуэдынум — лъэбакъуэ къудейщ.
- ЗегъэшэщIи уи пшынэм, си къуэш,
- Си насып щхьэрыуар къысхуеджэж.
- Ди щIыунэр щхьэ щIыIэу къэнэн,
- Си гум илъ лъагъуныгъэм къегъэплъ.
- Ди щIыунэр щхьэ щIыIэу къэнэн,
- Си гум илъ лъагъуныгъэм къегъэплъ.
- Пэшхьэку цIыкIуу жьэражьэр ди жьэгущ,
- Сагъыз ткIуэпсхэр уи нэпсу къысфIощI.
- Сэлэт пшынэр щIыунэм щоджэгу,
- Си гупсысэм макъамэр къыдощI.
- Сэтей жьыбгъэм кIэщIэтщ уэ уи макъ,
- Мэзкуу уэсым уи нэгур къыхощ,
- Къыстеуащи уи зэшыр — сигу хощI,
- Ди уэрэдым и макъыр хуит дощI.
- Къыстеуащи уи зэшыр — сигу хощI,
- Ди уэрэдым и макъыр хуит дощI.
-
Калининград къалэ
-
Владивосток къалэ
-
Волгоград къалэ
- Адыгэбзэм къизыгъэзэгъар Хьэмыз Русланщ