«Таврида 5.0»-м КъБР-м щыщ зэчиифIэхэр хохьэ
2019-07-23
- Мы гъэм япэу ди къэралым щокIуэкI «Таврида 5.0» щIалэгъуалэ зэхыхьэ ин. Кърым къыщызэрагъэпэща щэнхабзэ, гъуазджэ форумым мы зэманым и гуащIэгъуэщ. Ди гуапэ зэрыхъущи, урысейпсо фестиваль-зэпеуэм хэтщ ди республикэм и лIыкIуэхэри.
- Мы махуэхэм и чэзущ «Рэп сменэм». А зэпеуэм я зэфIэкIхэр щагъэлъэгъуэну хущIокъу уэрэджыIакIуэ ныбжьыщIэхэм, продюсер, битмейкер щIалэхэм, усыгъэмрэ къафэмрэ дахьэххэм (hip-hop, jazz-funk, street-style жанрхэм иту). КъинэмыщIауэ, форумым хэтщ езыхэм ятха уэрэдхэр зыгъэзэщIэж авторхэри. Апхуэдэ щIыкIэм тету зэхаша форумым екIуэлIащ щIалэгъуалэ академическэ, цIыхубэ гупхэр, уэрэд гъэзэщIэкIэ елъытауэ стиль зэмылIэужьыгъуэхэм тет уэрэджыIакIуэ ныбжьыщIэхэр.
- Къэбэрдей-Балъкъэр Республикэм щыщу «Таврида 5.0»-м хэтщ ныбжьыщIэ з эчиифIэхэу Ервас Астемыр, Атабиевэ Малика, КIэщт Лаурэ, Амщокъуэ Амырхъан, Батырбий Бэллэ, Бэрсокъуэ Диан э, Къудей Елдар сымэ. Абыхэм ябгъэдэлъ творческэ зэфIэкIхэм жанр зэмылIэужьыгъуэ куэд къызэщIаубыдэ.
- Ди лъахэгъу щIалэгъуалэм дохъуэхъу урысейпсо утыкум ехъулIэныгъэфIхэр щызыIэрагъэхьэну.
- ЖЫЛАСЭ Маритэ.