Нобэрэ пщэдейрэ
2019-07-16
- Бадзэуэгъуэм и 16, гъубж
- 622 гъэр Муслъымэн махуэгъэпсым и щIэдзапIэщ. Мухьэмэд Бегъымбарыр Мэчэм икIри Мадинэ кIуащ.
- 1790 гъэм США-м и Конгрессым унафэ къищтащ къэралым и къалащхьэ-щIэ Вашингтон щаухуэну щIыр абы хухэхыным теухуауэ.
- 1909 гъэм автомобил- хэр къыщIэзыгъэкI «Ауди» компаниер къызэрагъэпэщащ.
- 1932 гъэм Донецкэ областым и къалащхьэр Артёмовск (иджы Бахмутщ) ирахри, Сталинэ (иджы Донецкщ) яхьащ.
- 1944 гъэм нэмыцэ зэрыпхъуакIуэхэм къыIэщIагъэкIыжу хуит къэхъужа Минск къалэм партизанхэм парад щрагъэкIуэкIащ.
- 1945 гъэм США-м и Тринити полигоным, Нью-Мексикэ штатым щыIэм, дунейм щыяпэу щIы щхьэфэм атомнэ бомбэм и лъэщагъыр щагъэунэхуащ. Абы и лыгъэр щалъэгъуат километр 290-кIэ, и макъыр щызэхахат километри 160-кIэ пэжыжьэхэми. А гъэ дыдэм Америкэм а Iэщэ шынагъуэр щридзыхащ Японием и Хиросимэ (шыщхьэуIум и 6-м), Нагасаки (шыщхьэуIум и 9-м) къалэхэм.
- 1956 гъэм Карело-Финскэ ССР-р Карелие АССР-ру зэрахъуэкIащ. Иджыпсту ар УФ-м хыхьэ Карелие Республикэщ.
- 1965 гъэм къызэIуахащ Монблан бгым (Альпы къуршхэм я щыгу нэхъ лъагэ дыдэм) кIуэцIрыкI гъуэгур. Абы зэпищIащ Франджым и Шамони, Италием и Курмайор къалэхэр.
- 1979 гъэм Хъусейн Саддам Иракым и президент хъуащ.
- 1990 гъэм Украинэ ССР-м и Радэ Нэхъыщхьэм а республикэр зыми и унафэ щIэмытыным теухуа Декларацэр къищтащ.
- ТхакIуэ КIэрэф Мухьэмэд къызэралъхурэ илъэс 97-рэ ирокъу.
- СССР-м спортымкIэ и мастер, къэралым щэнейрэ и чемпион, КъБР-м физкультурэмрэ спортымкIэ щIыхь зиIэ и лэжьакIуэ Къуэдзокъуэ Анатолий и ныбжьыр илъэс 84-рэ ирокъу.
- СССР-м и цIыхубэ артисткэ, Украинэм и ЛIыхъужь Роговцевэ Адэ и ныбжьыр илъэс 82-рэ ирокъу.
- Искусствоведенэм и доктор, КъБКъУ-м и профессор Мэлбахъуэ Борис и ныбжьыр илъэс 79-рэ ирокъу.
- Совет фигурист, Олимп Джэгухэм тIэунейрэ я чемпион, СССР-м спортымкIэ щIыхь зиIэ и мастер Протопопов Олег и ныбжьыр илъэс 87-рэ ирокъу.
- УэрэджыIакIуэ, музыкант, УФ-м щIыхь зиIэ и артист, Къэрэшей-Шэрджэсым и цIыхубэ артист Лепс Григорий (и унэцIэ дыдэр Лепсверидзещ) и ныбжьыр илъэс 57-рэ ирокъу.
- УсакIуэ-уэрэдус, уэрэджыIакIуэ, композитор цIэрыIуэ, УФ-м щIыхь зиIэ и артист Агутин Леонид и ныбжьыр илъэс 51-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 24 — 25-рэ, жэщым градус 17 — 18 щыхъунущ.
- Бадзэуэгъуэм и 17, бэрэжьей
- Урысейм и Дзэ-Тенджыз флотым и авиацэм и махуэщ
- Этнографым и махуэщ
- Корее Республикэм и конституцэм и махуэщ
- Финляндием щагъэлъапIэ Демократием и махуэр
- 1775 гъэм дунейм щыяпэу США-м къыщызэIуахащ дзэм къулыкъу щызыщIэхэм папщIэ сымаджэщ.
- 1868 гъэм Японием и къалащхьэр Токио яхьащ, Киото ирахри.
- 1918 гъэм Урысейм и иужьрей император Николай ЕтIуанэри абы и унагъуэри Ипатьевым и унэу Екатеринбург дэтым и щIыунэм щаукIащ.
- 1918 гъэм Сыбыр республикэ къызэрагъэпэщащ. А гъэ дыдэм щэкIуэгъуэм и 3-м абы теухуа унафэр якъутэжащ.
- 1942 гъэм нэмыцэдзэхэм Сталинград яубыдын мурад яIэу ебгъэрыкIуэныгъэм щIадзащ, ауэ ар фашистхэм къайхъулIакъым щэкIуэгъуэм и 18 пщIондэ.
- 1945 гъэм ЕтIуанэ дунейпсо зауэм текIуэныгъэр къыщызыхьа къэралхэм я Iэтащхьэхэм я Потсдам конференцыр (бадзэуэгъуэм и 17 — шыщхьэуIум и 2-хэм екIуэкIар) къызэIуахащ.
- 1967 гъэм Лениным и цIэр зэрихьэу Арщыдан щыIэ колхозым Ленин орденыр къратащ.
- 1976 гъэм Монреаль къалэм (Канадэ) къыщызэIуахащ ХХI гъэмахуэ Олимп Джэгухэр.
- Дипломат, Дунейпсо олимп комитетым и унафэщIу щыта СамаранчХуан Антонио къызэралъхурэ илъэс 99-рэ ирокъу.
- КъШР-м и Правительствэм и УнафэщIу лэжьа Уэз Анатолий и ныбжьыр илъэс 77-рэ ирокъу.
- Нэмыцэ политик, Германием и канцлер Меркель Ангелэ и ныбжьыр илъэс 65-рэ ирокъу.
- Урысей тхакIуэ Арбатовэ Марие (и унэцIэ дыдэр Гаврилинэщ) и ныбжьыр илъэс 62-рэ ирокъу.
- Шэрджэс сурэтыщI Къардэн Мухьэдин и ныбжьыр илъэс 51-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, уэшх тIэкIу къыщешхынущ. Хуабэр махуэм градус 23 — 24-рэ, жэщым градус 19 — 20 щыхъунущ.