Нобэ
2019-05-07
- Радиом, связым и IэнатIэ псоми я лэжьакIуэхэм я махуэщ. Ар щагъэлъапIэ Урысейм, Армением, Белоруссием.
- Урысей Федерацэм IэщэкIэ ЗэщIэузэда и Къарухэр къыщызэрагъэпэща махуэщ. 1992 гъэм УФ-м и Президентым Iэ щIидзащ Урысей Федерацэм ЗыхъумэжыныгъэмкIэ и министерствэмрэ IэщэкIэ ЗэщIэузэда и Къарухэмрэ къызэгъэпэщыным теухуауэ.
- Къэзахъстаным щагъэлъапIэ Хэкум и хъумакIуэм и махуэр
- 1755 гъэм зэхэтащ Москва университетыр къызэрызэIуахым теухуа гуфIэгъуэ дауэдапщэхэр. Иджыпсту ар Ломоносов Михаил и цIэр зезыхьэ Москва къэрал университетырщ.
- 1780 гъэм Екатеринэ ЕтIуанэм Санкт-Петербург иритащ а къалэм хуригъэщIа гербыр.
- 1895 гъэм урыс инженер Попов Александр япэ радиоприемник къигупсысащ.
- 1927 гъэм Къэбэрдей-Балъкъэр радиом и япэ нэтынхэм щIидзащ.
- 1934 гъэм РСФСР-м иIэ хъуащ щIыналъэщIэ — Еврей автоном областыр.
- 1985 гъэм СССР-м и Министрхэм я Советым унафэ къищтащ фадафэхэм, фадэ IэрыщI щIэзыгъэжхэм ебэныным теухуауэ.
- 1985 гъэм Налшык Хэку зауэ орденым и япэ нагъыщэр къыхуагъэфэщащ.
- 1990 гъэм КъБР-м и Адыгэ Хасэ жылагъуэ зэгухьэныгъэр къызэрагъэпэщащ.
- Урыс композитор, дирижёр, зи IэдакъэщIэкIхэр цIыхухэм нобэми яфIэтелъыджэ Чайковский Пётр къызэралъхурэ илъэси 179-рэ ирокъу.
- Индием щыщ тхакIуэ, жылагъуэ лэжьакIуэ цIэрыIуэ, Нобель и саугъэтыр зыхуагъэфэща Тагор Рабиндранат къызэралъхурэ илъэси 158-рэ ирокъу.
- Совет усакIуэ, зэдзэкIакIуэ Заболоцкий Николай къызэралъхурэ илъэси 116-рэ ирокъу.
- Мэкъумэш щIэныгъэхэм я кандидат, КъБР-м щIыхь зиIэ и агроном Чэгъэду Владимир и ныбжьыр илъэс 83-рэ ирокъу.
- Филологие щIэныгъэхэм я доктор, КъБКъУ-м и профессор Балэ Иринэ къыщалъхуа махуэщ.
- КъБР-м щIыхь зиIэ и журналист, КъБР-м и Къэрал саугъэтым и лауреат Къудей Владимир и ныбжьыр илъэс 65-рэ ирокъу.
- «Адыгэ псалъэ» газетым жэуап зыхь и секретарым и къуэдзэ ДыщэкI Соня къыщалъхуа махуэщ.
- СурэтыщI ПщыхьэщIэ Хьэсэнбий и ныбжьыр илъэс 62-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 23 — 25-рэ, жэщым градус 12 — 13 щыхъунущ.