Нэхъ пуду Iэ тевдзэну фыхуеймэ
2020-04-23
- Дызэрыщыгъуазэщи, мэлыжьыхьым и 1-м щIидзауэ йокIуэкI мы гъэм и етIуанэ илъэс ныкъуэм цIыхухэм я унэхэм хуахьыну газетхэмрэ журналхэмрэ Iэ трегъэдзэныр.
- Мэлыжьыхьым и 20-м къыщыщIэдзауэ Урысейм и Пощтым къыхилъхьащ газетхэм процент 40-кIэ нэхъ пуду Iэ трегъэдзэныр. А акцэр махуипщIкIэ екIуэкIыну аращи, зыхэвмыгъэкIыж абы. Газетхэм Iэ тевдзэ хъунущ унэм фыщIэсуи е пощтзехьэр фи деж евгъэблагъэуи. Урысейм и Пощтым Интернетым щиIэ podpiska.pochta.ru сайтымкIэ апхуэдэ Iуэхутхьэбзэ къыфхуащIэнущ. Къэралым къыщыдэкI газетхэмрэ журналхэмрэ ящыщу 1700-рщ акцэм хиубыдар. Абы хэт къыдэкIыгъуэхэм дамыгъэ хэха щхъуэкIэплъыкIэхэр яIэщ.
- «Адыгэ псалъэ» газетри хагъэхьащ а махуипщIым къриубыдэу нэхъ пуду Iэ зытебдзэ хъунухэм. Газетхэр, журналхэр фи щхьэм и мызакъуэу, фи Iыхьлыхэми, фи ныбжьэгъухэми яхуевгъэхь хъунущ. «Адыгэ псалъэм» и индексыр П 5894-щ.
- Апхуэдэуи Урысейм и Пощтым пещэ «Гуапагъэм и жыг» зыфIаща псапащIэ акцэм. Хэку зауэшхуэм ди къэралым ТекIуэныгъэ къызэрыщихьрэ илъэс 75-рэ щрикъум и пэ къихуэу ирагъэжьа а Iуэхур хуэгъэпсащ зауэм хэтахэм, ар зи нэгу щIэкIа нэхъыжьхэр дэзыхьэх тхыгъэхэр къызытехуэ газетхэмрэ журналхэмкIэ яхуэупсэным, ахэр абыкIэ гъэгуфIэным. Акцэм хэтыну хуейхэм къагъэсэбэп хъунущ podpiska.pochta.ru/derevo-dobra сайтыр.