Чайкэ Юрийрэ КIуэкIуэ Казбекрэ тепсэлъыхьащ коронавирус уз зэрыцIалэм земыгъэубгъуным хуэунэтIа Iуэхухэм
2020-04-09
- Урысей Федерацэм и Президентым и полномочнэ лIыкIуэу Кавказ Ищхъэрэ федеральнэ щIыналъэм щыIэ Чайкэ Юрий КIуэкIуэ Казбекрэ КИФЩI-м хыхьэ адрей республикэхэм я Iэтащхьэхэмрэ иджыблагъэ телефонкIэ къепсэлъащ коронавирус уз зэрыцIалэм земыгъэубгъуным хуэунэтIауэ щIыпIэхэм щызэфIагъэкIхэм, апхуэдэу социально-экономикэ щытыкIэр зэпIэзэрыту щытыным хуэгъэзауэ ялэжьхэм теухуауэ.
Псоми еджэн…
Зыхыхьэхэр: КъБР-м и Правительствэм
Къэбэрдей-Балъкъэрым и Iэтащхьэр УФ-м транспортымкIэ и министрым епсэлъащ республикэм гъуэгухэм зыщегъэужьыным теухуауэ
2020-04-09
- Къэбэрдей-Балъкъэрым и Iэтащхьэ КIуэкIуэ Казбек видеозэIущIэ мардэм иту епсэлъащ Урысейм транспортымкIэ и министр Дитрих Евгений. Абыхэм и гугъу ящIащ КъБР-м и гъуэгу хозяйствэм зегъэужьыным хуэунэтIа Iуэхугъуэ нэхъыщхьэхэм.
Псоми еджэн…
Зыхыхьэхэр: КъБР-м и Правительствэм
2020-04-09
- Адыгэми къэралми я пщIэр лъагэу зыIэт, адэкIи бэкIэ дызыщыгугъ Махуэ Билал теухуауэ мазитI ипэкIэ Урысейм и хъыбарегъащIэ IэнатIэхэм зэIэпаха щIэщхъу бзаджэр спортым дихьэх дэтхэнэми и гум щIыхьащ. «Щэнейрэ дунейпсо чемпион бэнакIуэ цIэрыIуэр до-пинг зрихьэлIауэ хуагъэфащэ» — апхуэдэ псалъащхьэм щIэту, зыр адрейм щхьэпрыкIыжыну яужь иту дызыпэмыплъа Iуэхугъуэр ирахьэжьащ. Псом хуэмыдэу ар зыхащIащ щIыпIэ куэдым щызэбгырыдза ди лъэпкъэгъухэм. Абы лъандэрэ зэман хъарзынэ дэкIащ икIи куэдым зихъуэжащ. Дуней псор зыгъэгулэз коронавирусым и зэранкIэ Iуэхугъуэ куэд къызэтрагъэувыIащ е ягъэIэпхъуащ. Къапщтэмэ, зы илъэскIэ нэхъ кIасэу, 2021 гъэм, зэхэтыну унафэ ящIащ Махуэ Билал щытекIуэну игъащIэ лъандэрэ зыщIэхъуэпс Гъэмахуэ Олимпиадэр. Хэт ищIэн, апщIондэхукIэ ди бэнакIуэ цIэрыIуэр хей ящIыжынкIэ е, тезыр гуэр тралъхьэмэ, ипшыныжыну хунэсынкIэ хъунщ.
Псоми еджэн…
Зыхыхьэхэр: Абы дегъэпIейтей
ГъащIэм и гъуазэ
2020-04-09
- Аддэ зы зэман гуэрым Хъэзар тенджызымрэ тенджыз ФIыцIэмрэ я зэхуаку дэлъ щIыналъэм зылI и быну лъэпкъ куэду зэхэт ди адыгэхэр щыпсэугъат, лажьэрэ шхэжу, я щхьэхуитыныгъэр яхъумэжу. Гъавэ хасэрт, Iэщ ягъэхъурт, хадэ ящIэрт, жыг ягъэкIырт, лIыгъэрэ хахуагъэкIэ цIэрыIуэхэт. Тхыдэ гъуэгуанэ кIыхь икIи гугъусыгъу къикIуащ а лъэпкъым. Нэхъ зызыужьа дыдэ къэралыгъуэхэм къакIэрымыхуу дуней тетыкIэ екIу абыхэм зэраIам и щыхьэт куэд тхыдэм ещIэж. Сыт и уасэ купщIафIэ дыдэу зэтегъэпсыхьа Адыгэ хабзэр?!
Псоми еджэн…
Зыхыхьэхэр: ДифI догъэлъапIэ