Мы махуэхэм
2018-10-20
- Жэпуэгъуэм и 20, щэбэт
- Статистикэм и дунейпсо махуэщ
- Авиадиспетчерым и дунейпсо махуэщ
- ПщафIэм и дунейпсо махуэщ
- Дзэ связистым и махуэщ
- Сербием щагъэлъапIэ Белград къалэр хуит къыщащIыжа махуэр. 1944 гъэм советыдзэхэмрэ Югославием и партизанхэмрэ Белград къалэр нэмыцэ зэрыпхъуакIуэхэм къыIэщIагъэкIыжащ.
- 1714 гъэм Пётр Езанэм къыдигъэкIащ мывэм къыхэщIыкIа унэхэр Урысейм щемыгъэухуэным теухуа унафэ. Мывэ унэхэр щащIыну пащтыхьым хуит ищIыр, уеблэмэ ар къалэну щигъэувар Санкт-Петербург къалэм и закъуэт. Урысейм и щIыпIэ куэдым щыщ мыващIэхэр, лэжьапIэншэу къэна нэужь, къалащхьэщIэм зэрыхьу ар нэхъ екIу, нэгъуэщI къэралхэм я щыхьэрхэм зыкIи къакIэрымыху абыхэм яригъэщIынырт Пётр Езанэм ищIа унафэм и мурад нэхъыщхьэр.
- 1880 гъэм Москва циркыр къызэIуахащ.
- 1930 гъэм РСФСР-м щыщ Красноярск крайм хыхьэу къызэрагъэпэщащ Хакасскэ автономнэ областыр. Иджыпсту УФ-м хыхьэ Хакасие Республикэщ.
- 1938 гъэм Приморскэ, Хабаровскэ крайхэр къызэрагъэпэщащ.
- 1956 гъэм СССР-м и Совет Нэхъыщхьэм и Президиумым унафэ къищтащ «ЩIыщIэхэр къызэраIэтам папщIэ» медалыр гъэувыным теухуауэ.
- 1970 гъэм «Спортлото» лотереем и япэ гъэджэгугъуэр екIуэкIащ.
- 2000 гъэм Шэджэм къуажэр къалэ хъуащ.
- Къэрал лэжьакIуэ, политик, Социалист Лэжьыгъэм и ЛIыхъужь, СССР-м и Совет Нэхъыщхьэм и зэхуэсыгъуитхум я депутату щыта Тэрчокъуэ Къамболэт къызэралъхурэ илъэси 107-рэ ирокъу.
- Химие щIэныгъэхэм я доктор, КъБКъУ-м и профессор, ЩIДАА-м и академик, КъБР-м щIэныгъэхэмкIэ щIыхь зиIэ и лэжьакIуэ Шурдым Гъэзалий и ныбжьыр илъэс 84-рэ ирокъу.
- Къэрал, жылагъуэ лэжьакIуэ, КъБР-м щIыхь зиIэ и юрист Жыгун Хьэту къызэралъхурэ илъэс 82-рэ ирокъу.
- Биологие щIэныгъэхэм я доктор, КъБКъУ-м и профессор Къущхьэ Хъусен и ныбжьыр илъэс 80 ирокъу.
- УсакIуэ, егъэджакIуэ, АР-м щIыхь зиIэ и егъэджакIуэ Мэхъуэш Руслан и ныбжьыр илъэс 78-рэ ирокъу.
- Урысей тележурналист, публицист, жылагъуэ лэжьакIуэ Соловьев Владимир и ныбжьыр илъэс 55-рэ ирокъу.
- «Адыгэ псалъэ» газетым и корреспондент ТекIужь Заретэ къыщалъхуа махуэщ.
- Дунейм и щытыкIэнур
- «pogoda.yandex.ru» сайтым зэритымкIэ, Налшык уэфIу щыщытынущ. Хуабэр махуэм градус 14 — 21-рэ, жэщым градуси 8 — 10 щыхъунущ.
- Жэпуэгъуэм и 21, тхьэмахуэ
- УФ-м и ерыскъыпхъэ промышленностым и лэжьакIуэхэм я махуэщ
- УФ-м и гъуэгу IэнатIэм и лэжьакIуэхэм я махуэщ
- 1520 гъэм Португалием щыщ зыплъыхьакIуэ Магеллан Фернан хы Щэхумрэ Атлантикэ хымрэ я псыдэжыпIэр къихутащ, иужькIэ абы езым и цIэр фIащыжащ.
- 1899 гъэм Владивосток къыщызэIуахащ КъуэкIыпIэ институтыр, иджыпсту ар КъуэкIыпIэ жыжьэ федеральнэ университетырщ.
- 1935 гъэм Германиер Лъэпкъхэм я Лигэм къыхэкIыжащ.
- 1945 гъэм Франджым цIыхубзхэми хэхыныгъэхэм Iэ щаIэтыну япэу хуит щащIащ.
- 1958 гъэм Инджылызым и Парламентым и лорд палатэм япэу цIыхубз хахащ.
- 1994 гъэм Къэрал Думэм УФ-м и Граждан кодексыр къищтащ.
- 1994 гъэм Урысей телевиденэм и академием илъэс къэс ятыну «ТЭФИ» саугъэтыр игъэуващ.
- 1997 гъэм Солженицын Александр и цIэр зезыхьэ Литературэ саугъэтыр ягъэуващ.
- 1997 гъэм Къэзахъстаным и президент Назарбаев НурсулътIан Iэ щIидзащ къэралым и къалащхьэщIэу Акмола къалэр къызэрыхахам теухуа унафэм. ИужькIэ абы и цIэр Астана жиIэу зэрахъуэкIащ.
- 2010 гъэм Собянин Сергей Москва къалэм и Iэтащхьэу ягъэуващ.
- Швецием щыщ химик, инженер, динамитыр къэзыгупсыса, езым и цIэр зезыхьэ саугъэтыр зыгъэува Нобель Альфред къызэралъхурэ илъэс 285-рэ ирокъу.
- Актрисэ, Урысей Федерацэм щIыхь зиIэ и артисткэ Санаевэ Еленэ и ныбжьыр илъэс 76-рэ ирокъу.
- Израилым и премьер-министр Нетаньяху Биньямин и ныбжьыр илъэс 69-рэ ирокъу.
- Кинорежиссёр, актёр, продюсер, РСФСР-м и цIыхубэ артист, «Хэкум и пащхьэ щиIэ фIыщIэхэм папщIэ» орденым и нагъыщэ псори зрата Михалков Никитэ и ныбжьыр илъэс 73-рэ ирокъу.
- Физик цIэрыIуэ, Нобель и саугъэтыр зыхуагъэфэща, Налшык дэт курыт школ №3-р дыщэ медалкIэ къэзыуха Гейм Андрей и ныбжьыр илъэс 60 ирокъу.
- УФ-м щIыхь зиIэ и дохутыр КIуэкIуэ Аслъэн и ныбжьыр илъэс 55-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 16 — 18, жэщым градуси 9 — 11 щыхъунущ.
- Жэпуэгъуэм и 22, блыщхьэ
- ЩыпсалъэкIэ зэIынэ цIыхухэм я дунейпсо махуэщ
- ТхылъымпIэр зэгъэзэхуэным и дунейпсо махуэщ
- Сабий библиотекэхэм я дунейпсо махуэщ
- 1612 гъэм Минин Кузьмарэ Пожарский Дмитрийрэ зи пашэ урысыдзэм лыхьхэр Москва дахужащ.
- 1721 гъэм Урыс сенатым пащтыхьыцIэр игъэкIуэдыжри, Пётр Езанэр Урысейм и император ищIащ.
- 1730 гъэм Ладогэ псыдэжыпIэр къызэIуахащ.
- 1883 гъэм Нью-Йорк къыщызэIуахащ дунейм и театр нэхъ ин дыдэхэм ящыщ зыр — Метрополитен-Опера жыхуиIэр.
- 1938 гъэм США-м щыщ къэхутакIуэ Карлсон Честер дунейм щыяпэу ксерокопие зэращI Iэмэпсымэр зэпкърилъхьащ.
- 1941 гъэм СССР-м ЗыхъумэжыныгъэмкIэ и къэрал комитетым унафэ къищтащ зыхъумэжыныгъэмкIэ къалэ комитетхэр Севастополь, Сталинград, Тулэ, Ростов, Курск — псори зэхэту къалэ 46-м къыщызэрагъэпэщыну.
- 1962 гъэм щIидзащ тхыдэм «Кариб кризис» жиIэу хыхьа, США-мрэ СССР-мрэ яку къыдэхъуа зэпэщIэтыныгъэм. Ар къызытехъеикIар Совет Союзым и дзэхэр Кубэм игъэкIуауэ, и Iэщэхэр, ядернэхэри яхэту, иригъэшауэ зэрыщытарщ.
- 1990 гъэм Горький къалэм и пасэрей цIэр — Новгород Ищхъэрэр — игъуэтыжащ. Къалэм и лъабжьэр 1221 гъэм ягъэтIылъауэ щытащ.
- Мэжэр (венгр) музыкант, композитор цIэрыIуэ Лист Ференц къызэралъхурэ илъэс 207-рэ ирокъу.
- Адыгэ узэщIакIуэ цIэрыIуэ ХьэтIохъущокъуэ Къазий къызэралъхурэ илъэси 177-рэ ирокъу.
- Театрымрэ киномрэ я актёр, УФ-м и цIыхубэ артист Мишулин Спартак къызэралъхурэ илъэс 92-рэ ирокъу.
- КъБР-м и цIыхубэ тхакIуэ, УФ-м щэнхабзэмкIэ щIыхь зиIэ и лэжьакIуэ Къэрмокъуэ Мухьэмэд къызэралъхурэ илъэс 89-рэ ирокъу.
- Футболист, гъуащхьэтет, Олимп джэгухэм я чемпион Яшин Лев къызэралъхурэ илъэс 89-рэ ирокъу.
- Мэкъумэш щIэныгъэхэм я доктор, КъБКъМУ-м и профессор, КъБР-м мэкъумэш хозяйствэмкIэ щIыхь зиIэ и лэжьакIуэ Уэлджыр Мушэхьид и ныбжьыр илъэс 85-рэ ирокъу.
- Франджы актрисэ, дунейпсо кинематографым и вагъуэу къалъытэ Де- нёв Катрин и ныбжьыр илъэс 75-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 13 — 14, жэщым градуси 7 — 9 щыхъунущ.