Тыркум къраха медалхэр
2020-02-18
- Къэбэрдей-Балъкъэрым и тхэквондоистхэм медалищ къыщахьащ олимп лъэхъэнэм ипэ къихуэу Тыркум щекIуэкIа «Turkish Open» рейтинг зэхьэзэхуэм. АбыкIэ хъыбар къыдигъэщIащ Кавказ Ищхъэрэ федеральнэ щIыналъэм тхэквондомкIэ (WTF) и федерацэм и секретарь нэхъыщхьэ Къанкъул Беслъэн.
- Къыщыхах лъэхъэнэм зэкIэлъхьэужьу текIуэныгъиплI къыщызыхьа, зи хьэлъагъыр килограмм 44-м нэблагъэ Багъ Даринэ финал зэIущIэм къыщыIу-щIащ етIуанэ гупым пашэныгъэр щызыубыда хэгъэрей Арикан Нисой. 3:0-у абы ефIэкIри, Даринэ Урысейм и командэ къыхэхам япэ дыщэ медалыр къыхуихьащ.
- Зи хьэлъагъыр килограмм 45-м нэблагъэхэм я кIэух зэIущIэм Багъ Идар зымащIэкIэ къыхигъэщIащ зэхьэзэхуэм и хэгъэрей Эмре Тасу Юнус икIи дыжьын медалыр къихьащ. А гуп дыдэм щызэуа Ахъмэт Дамир ещанэ хъуащ.
- Спортсменхэр ягъэхьэзыращ Ахъмэт Амир, Кугъуэндокъуэ Елдар, Унэжокъуэхэ Абдул-Джабаррэ Къантемыррэ, Тикаев Индрис, БжэныкIэ Резуан сымэ.
- Жыласэ Замир.