Мыпхуэдэ центр иджыри къэс Кавказ Ищхъэрэм щыIакъым
2019-05-23
- Стратегие жэрдэмхэмкIэ агентствэм и дэIэпыкъуныгъэкIэ Бэрбэч Хь. М. и цIэр зезыхьэ Къэбэрдей-Балъкъэр къэрал университетым иджыблагъэ къыщызэIуахащ Кавказ Ищхъэрэ федеральнэ центрым и япэ коврокинг-центр.
- Абы и лэжьыгъэр нэхъыбэу хуэунэтIауэ щытынущ ди щIыналъэм и инвестицэ щытыкIэр егъэфIэкIуэным, бжыгъэхэр зи лъабжьэ экономикэм папщIэ IэщIагъэлIхэр гъэхьэзырыным, промышленностым и лэжьыгъэр бжыгъэхэр я лъабжьэу къызэгъэпэщыным, нэгъуэщIхэми.
- Центрыр къызэгъэпэщыным теухуа зэгурыIуэныгъэм Iэ щIадзащ Къэбэрдей-Балъкъэр къэрал университетым и ректор Алътуд Юрий, УФ-м и Президентым бжыгъэхэр зи лъабжьэ технологие зыужьыныгъэм и IуэхухэмкIэ и лIыкIуэ хэха Песков Дмитрий сымэ.
- «Илъэс зыбжанэкIэ узэIэбэкIыжмэ, технологие зыужьыныгъэм елэжьу щы-тар къэралым и вузхэм ящыщу 15-20 хуэдизщ. Ахэр къэкIуэну зэманым хуэунэ-тIа гупсысэ нэхъыфIхэр убзыхунымрэ зыхуэфащэ проектхэр гъэхьэзырынымрэ япэлъэщырт, ауэ технологие зыужьыныгъэр щIэгъэхуэбжьауэ егъэжьэнымкIэ къалэнхэм япэлъэщыртэкъым. Абы къыхэкIыу университетхэм мыпхуэдэ центрхэр къыщызэрагъэпэщу зэрыщIадзар хуэунэтIат щIыналъэ зэмылIэужьыгъуэхэм щыIэ вузхэр технологие зыужьыныгъэ щIэгъэхуэбжьа къызэгъэпэщыным хуэгъэза лэжьыгъэм хэшэным. Дэ ди гуа-пэщ Кавказым щыяпэу а центрыр КъБКъУ-м къызэрыщызэIуахар икIи ар проект нэхъ пажэ дыдэхэм ящыщ хъуну дыщогугъ», — жиIащ Песков Дмитрий.
- Коворкинг-центрыр ди университетым и студентхэмрэ щIэныгъэлIхэмрэ сэбэпышхуэ къахуэхъунущ бжыгъэхэр зи лъабжьэ экономикэм и технологие нэхъыфI дыдэхэр щIэгъэкъуэн къэщIынымкIэ. Но-бэм ирихьэлIэу университетым мы центрыр и лъабжьэу проекти 9 щыпхагъэкIынущ.
- КъБР-м и Iэтащхьэмрэ Правительствэмрэ я пресс-IуэхущIапIэ.