КъБР-м и Iэтащхьэм и къалэнхэр пIалъэкIэ зыгъэзащIэр уэр зэран зыхуэхъуа жылагъуэхэм щыIащ
2019-04-16
- КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек щыIащ мэлыжьыхьым и 13-м къеха уэмрэ уэлбанэшхуэмрэ нэхъ зэран зыхуэхъуа щIыпIэхэм икIи зэраныгъэхэр гъэзэкIуэжынымкIэ лэжьыпхъэхэм ятеухуа зэIущIэхэр муниципалитетхэм щригъэкIуэкIащ. Нэхъ зэраныгъэшхуэ зыгъуэтахэм ящыщщ Бахъсэн къалэр, Бахъсэн, Дзэлыкъуэ районхэр.
- Псэуныгъэм пыщIа IуэхущIапIэхэмрэ инфраструктурэмрэ зэблэу къыхэмыкIыу мэлажьэ, жылагъуэхэр электрокъарурэ газкIэ къызэзыгъэпэщ системэхэм зэраныгъэ ягъуэтакъым.
- КъБР-м Мэкъумэш хозяйствэмкIэ и министерствэм и IэщIагъэлIхэр хэту республикэм и унафэщIым муниципальнэ къалэхэм щригъэкIуэкIа зэIущIэхэм пыухы-кIауэ щаубзыхуащ икIэщIыпIэкIэ зэфIагъэкIын хуейхэр икIи къалэну щагъэуващ уэм къихьа зэраныгъэхэр икIэщIыпIэкIэ къыщапщытэну, мэкъумэш къэкIыгъэхэм я щытыкIэр зрагъэщIэну.
- КъБР-м и Iэтащхьэмрэ Правительствэмрэ я пресс-IуэхущIапIэ.