Къуэдзым Европэм и кубокыр зыIэрегъэхьэ
2021-07-08
- Португалием хыхьэ Коимбре къалэм щекIуэкIащ дзюдомкIэ Европэм и кубокыр къэхьыным ехьэлIа зэхьэзэхуэ. Абы хэтащ къэрал 24-м къикIа спортсмен ныбжьыщIэ 300-м щIигъу.
- Урысей Федерацэм и командэ къыхэхам хэту Европэм и кубокым щIэбэнащ Къэбэрдей-Балъкъэрымрэ Ставрополь краймрэ я цIэкIэ утыку къихьэ Къуэдз Къантемыр. ПэщIэдзэ зэIущIэхэр фIы дыдэу езыгъэкIуэкIа ди щIалэм финалым къыщыпэщIэхуащ къэралым и командэ нэхъыщхьэм къыдыхэт, Краснодар крайм и цIэкIэ банэ НэгъущI Абрэдж. Ди лъахэгъур абы ефIэкIащ икIи зэхьэзэхуэм и дыщэ медалымрэ кубок нэхъыщхьэмрэ къыхуагъэфэщащ.
- Спортсменыр ягъасэ Иванов Дмитрийрэ Апхуд Андзоррэ.
- Жыласэ Замир.