2020-01-16
- ЩIышылэм и 16, махуэку
- Мыл зыщIым, лъэрыжэкIэ къыщажыхь щIыпIэхэм ар тезылъхьэм и дунейпсо махуэщ
- Ливерпуль къалэм (Инджылыз) щыщ «Битлз» гуп цIэрыIуэм и махуэщ
- США-м щагъэлъапIэ цIыхухэм диныр хуиту зэрахьэныр япэмыубыдыным теухуа махуэр
- Таиландым и егъэджакIуэхэм я махуэр ягъэлъапIэ
- 1920 гъэм Лъэпкъхэм я Лигэм и советым и япэ зэIущIэр Париж щекIуэкIащ, США-м и лIыкIуэхэр яхэмыту.
- 1922 гъэм Балъкъэрыр Горскэ АССР-м къыхэкIащ икIи Къэбэрдей-Балъкъэр автоном областыр РСФСР-м хэту къэхъуащ.
- 1963 гъэм Совет Союзым и УнафэщI Хрущёв Никитэ дуней псом хэIущIыIу щищIащ СССР-м водороднэ бомбэ зэриIэр.
- Биологие щIэныгъэхэм я доктор, КъБКъУ-м и профессор, КъБР-м, УФ-м щIэныгъэхэмкIэ щIыхь зиIэ я лэжьакIуэ, Урысей Академием и член-корреспон-дент Тембот Аслъэнбий къызэралъхурэ илъэс 88-рэ ирокъу.
- Актёр, Ленин и саугъэтыр зрата, СССР-м и цIыхубэ артист Лановой Василий и ныбжьыр илъэс 86-рэ ирокъу.
- Пшынауэ Iэзэ, УФ-м щIыхь зиIэ и артист, АР-м и цIыхубэ артист ЛIыцIэрыIуэ Ким къызэралъхурэ илъэс 77-рэ ирокъу.
- УэрэджыIакIуэ Къашыргъэ Мухьэмэд и ныбжьыр илъэс 64-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градус 1 — 3, жэщым щIыIэр градуси 4 — 3 щыхъунущ.
- ЩIышылэм и 17, мэрем
- Сабийхэм къагупсыса, зэпкъралъхьа Iэмэпсымэхэм я махуэщ
- 1921 гъэм РСФСР-м и ЦIыхубэ комиссархэм я советым унафэ къищтащ «УэгукIэ гъуэгуанэ зэпычыным теухуауэ». МафIэгухэм, автомобилхэм, нэгъуэщI транспорт лIэужьыгъуэхэми къахэхъуауэ щытащ кхъухьлъатэхэр.
- 1934 гъэм Свердловскэ, Челябинскэ областхэр къызэрагъэпэщащ.
- 1945 гъэм 1-нэ Белорусскэ фронтым и дзэхэм Польшэм и 1-нэ армэр я дэIэпыкъуэгъуу Варшавэ къалэр нэмыцэ зэрыпхъуакIуэхэм къыIэщIагъэкIыжащ.
- 1991 гъэм Перс псыдэжыпIэм щыщIидзащ «Къумым къыщыхъея борэн» зауэм.
- 1994 гъэм НТВ телекомпанием и нэтынхэр къагъэлъагъуэу щIадзащ.
- 1995 гъэм Японием и Кобе къалэм щIыр ин дыдэу щыхъеящ. А гузэвэгъуэм хэкIуэдат цIыху 6400-м щIигъу.
- Америкэм щыщ политик, щIэныгъэлI, тхакIуэ, США-р къэрал щхьэхуиту зэфIэувэным и лъабжьэр зыгъэтIылъахэм хабжэ Франклин Бенджамин къызэралъхурэ илъэс 314-рэ ирокъу.
- Урысей щIэныгъэлI, дунейпсо аэродинамикэм и лъабжьэр зыгъэтIылъа Жуковский Николай къызэралъхурэ илъэси 173-рэ ирокъу.
- Актёр, режиссёр, егъэджакIуэ, театр гъуазджэм зэхъуэкIыныгъэшхуэ хэзылъхьа, «СССР-м и цIыхубэ артист» цIэр япэ дыдэу зыфIащауэ щыта Станиславский Константин къызэралъхурэ илъэси 157-рэ ирокъу.
- Техникэ щIэныгъэхэм я доктор, КъБКъМУ-м и профессор, ЩIДАА-м и академик Щомахуэ Лев и ныбжьыр илъэс 81-рэ ирокъу.
- Физико-математикэ щIэныгъэхэм я доктор, КъБКъУ-м и профессор, ЩIДАА-м и академик Темрокъуэ Анатолий къызэралъхурэ илъэс 78-рэ ирокъу.
- Къыщалъхуа США-м и мызакъуэу, дуней псом цIэрыIуэ щыхъуа боксёр, олимп чемпион Мухьэмэд Алий (и цIэ-унэцIэ дыдэр Кассиуc Марселлус Клейщ) къызэралъхурэ илъэс 78-рэ ирокъу.
- УэрэджыIакIуэ цIэрыIуэ, жылагъуэ лэжьакIуэ ПащIэ Еленэ къыщалъхуа махуэщ.
- Шэрджэс еджагъэшхуэ, химие щIэныгъэхэм я доктор Темырдащ Зэуал и ныбжьыр илъэс 64-рэ ирокъу.
- Урысей композитор, уэрэджыIакIуэ цIэрыIуэ, УФ-м гъуазджэхэмкIэ щIыхь зиIэ и лэжьакIуэ Николаев Игорь и ныбжьыр илъэс 60 ирокъу.
- Совет шахматисткэ цIэрыIуэ, дунейпсо чемпионкэ, СССР-м спортымкIэ щIыхь зиIэ и мастер Чибурданидзе Майе и ныбжьыр илъэс 59-рэ ирокъу.
- КъБР-м щэнхабзэмкIэ и министрым и къалэнхэр зыгъэзащIэ, КъБР-м щIыхь зиIэ и артист, Къэбэрдей-Балъкъэрым и Къэрал саугъэтыр зыхуагъэфэща, культурологие щIэныгъэхэм я кандидат Къумахуэ Мухьэдин и ныбжьыр илъэс 54-рэ ирокъу.
- Урысей спортсменкэ, Олимп джэгухэм атлетикэ псынщIэмкIэ тIэунейрэ я чемпионкэ хъуа Мастерковэ Светланэ и ныбжьыр илъэс 52-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градуси 2 — 4, жэщым щIыIэр градуси 5 — 4 щыхъунущ.