Нобэрэ пщэдейрэ
2019-11-21
- ЩэкIуэгъуэм и 21, махуэку
- Философием и дунейпсо махуэщ
- Телевиденэм и дунейпсо махуэщ
- Тутын емыфэным и дунейпсо махуэщ
- Сэлам зэхыным и дунейпсо махуэщ
- Урысей Федерацэм и налог органхэм я лэжьакIуэхэм я махуэщ. 1991 гъэм щэкIуэгъуэм и 21-м РСФСР-м и Президент Ельцин Борис Iэ щIидзащ Къэрал налог IуэхущIапIэр къызэгъэпэщыным теухуа унафэм.
- Бухгалтерым и махуэщ
- Алыджым IэщэкIэ зэщIэузэда и къарухэм я махуэщ
- 1877 гъэм Америкэм щыщ щIэныгъэлI Эдисон Томас хэIущIыIу ищIащ фонограф къызэригупсысам теухуа хъыбарыр.
- 1916 гъэм Эгей тенджызым, нэмыцэхэм псым хадза лагъымым жьэхэуэри, щыщIилъэфащ Инджылызым и «Британик» кхъухьыр. Абы ещхь «Титаник»-р, мыл джейм жьэхихьэри, 1912 гъэм и мэлыжьыхьым Атлантикэ тенджызым щыщIилъэфауэ щытащ.
- СССР-м и цIыхубэ артист Глузский Михаил къызэралъхурэ илъэси 101-рэ ирокъу.
- СурэтыщI-живописец, УФ-м и Художникхэм я зэгухьэныгъэм хэт Маргъущ Анатолий и ныбжьыр илъэс 68-рэ ирокъу.
- БэнакIуэ цIэрыIуэ, Олимп чемпион, СССР-м спортымкIэ щIыхь зиIэ и мастер Мамиашвили Михаил и ныбжьыр илъэс 56-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык уфауэ щыщытынущ, уэс къыщесынущ. ЩIыIэр махуэм градуси 2 — 1, жэщым градуси 4 — 3 щыхъунущ.
- ЩэкIуэгъуэм и 22, мэрем
- Къуэхэм я дунейпсо махуэщ
- Урысейм щагъэлъапIэ Психологхэм я махуэр
- Азербайджаным юстицэм и лэжьакIуэхэм я махуэр щагъэлъапIэ
- Армением и банк лэжьакIуэм и махуэщ
- Ливаным и щхьэхуитыныгъэм и махуэщ. 1943 гъэм Ливан Республикэр Франджым и тепщэныгъэм къызэрыщIэкIым теухуа унафэ къащтащ. Ар я махуэ нэхъ лъапIэхэм ящыщу къалъытэ ливан хьэрыпхэм.
- 1717 гъэм Пётр Езанэм къыдигъэкIащ Астрахань губернэ щхьэхуэ къызэрызэрагъэпэщым теухуа унафэ.
- 1917 гъэм Канадэм къыщызэрагъэпэщащ иджыпсту дунейм пщIэ нэхъ щызиIэхэм ящыщ спорт зэгухьэныгъэр — Лъэпкъ хоккей лигэр — НХЛ-р.
- 1920 гъэм къызэрагъэпэщащ урыс щIэныгъэлI-механик Жуковский Николай и цIэр зезыхьэ дзэ-хьэуа академиер.
- 1941 гъэм Ладогэ гуэлым пхыкI мыл гъуэгур («ГъащIэм и гъуэгу» зыфIащауэ щытар) къызэIуахащ.
- 1956 гъэм Мельбурн (Австралие) къыщызэIуахащ ХVI Гъэмахуэ Олимп Джэгухэр. Ахэр екIуэкIащ щэкIуэгъуэм и 22 — дыгъэгъазэм и 8-хэм. Абы хиубыдэу шы спортымкIэ зэхьэзэхуэхэр Стокгольм (Швецие) щызэхэтащ 1956 гъэм мэкъуауэгъуэм и 10 — 17-хэм.
- 1963 гъэм Даллас къалэм (Техас штат) щаукIащ США-м и 35-нэ президенту щыта Кеннеди Джон.
- 1982 гъэм Набережные Челны къалэм зэреджэр Брежнев жиIэу зэрахъуэкIащ. 1988 гъэм щIышылэм и 6-м къалэм нэхъапэм иIа цIэр иратыжауэ щытащ.
- 1990 гъэм Инджылызым и премьер-министр Тэтчер Маргарет хъыбар зэбгрыригъэхащ и къулыкъум зэрытекIым теухуауэ.
- Урыс лексикограф, тхакIуэ, дохутыр, нобэми къагъэсэбэп урысыбзэ псалъалъэр зэхэзылъхьа Даль Владимир къызэралъхурэ илъэс 218-рэ ирокъу.
- Къэрал, дзэ къулыкъущIэ, Франджым и 18-нэ президенту щыта Шарль де Голль къызэралъхурэ илъэси 129-рэ ирокъу.
- Совет усакIуэ-уэрэдус, СССР-м и Къэрал саугъэтыр зрата Добронравов Николай и ныбжьыр илъэс 91-рэ ирокъу.
- Мэкъумэш щIэныгъэхэм я доктор, профессор, РАЕН-м и академик, КъБР-м мэкъумэш хозяйствэмкIэ щIыхь зиIэ и лэжьакIуэ Уэлджыр Мушэхьид и ныбжьыр илъэс 86-рэ ирокъу.
- Журналист, политик цIэрыIуэ, УФ-м печатымкIэ и япэ министру щыта Полторанин Михаил и ныбжьыр илъэс 80 ирокъу.
- Физико-математикэ щIэныгъэхэм я доктор, КъБКъУ-м и профессор, ЩIДАА-м и академик, КъБР-м щIэныгъэмкIэ щIыхь зиIэ и лэжьакIуэ, Къэбэрдей-Балъкъэрым и Къэрал саугъэтыр зрата Шыбзыхъуэ Азэмэт и ныбжьыр илъэс 79-рэ ирокъу.
- Урысей щIэныгъэлI, политик, УФ-м и Совет Нэхъыщхьэм и унафэщIу щыта Хасбулатов Руслан и ныбжьыр илъэс 77-рэ ирокъу.
- КъБР-ми АР-ми щIыхь зиIэ я артист Иуан Владимир къызэралъхурэ илъэс 76-рэ ирокъу.
- КъБР-м щIыхь зиIэ и артист Ало Арсен и ныбжьыр илъэс 71-рэ ирокъу.
- Журналист, КъБР-м щэнхабзэмкIэ щIыхь зиIэ и лэжьакIуэ Беслъэней Владимир и ныбжьыр илъэс 70 ирокъу.
- Адыгэ лъэпкъ фащэр дынымкIэ дизайнер, модельер, урысейпсо, дунейпсо зэпеуэ куэдым щытекIуа Сэралъп Мадинэ къыщалъхуа махуэщ.
- Дунейм и щытыкIэнур
- «pogoda.yandex.ru» сайтым зэритымкIэ, Налшык уфауэ щыщытынущ, уэс къыщесынущ. ЩIыIэр махуэм градуси 3 — 2, жэщым градуси 4 — 3 щыхъунущ.