Мы махуэхэм
2019-11-09
- ЩэкIуэгъуэм и 9,
- щэбэт
- Фашизмэм, расизмэм, лъэпкъ зэхэгъэж щIыным япэщIэтыным и дунейпсо махуэщ
- Радиацэм пэщIэтыным хуэунэтIа акцэхэм я дунейпсо махуэщ
- Украинэм щагъэлъапIэ я тхыбзэмрэ я бзэмрэ я махуэр
- Азербайджан Республикэм и лъэпкъ ныпым и махуэщ
- 1911 гъэм урыс IэпщIэлъапщIэ Котельников Глеб ищIа парашютыр ягъэунэхуащ икIи дунейм щыяпэу а Iэмэпсымэр зэрищIам щыхьэт техъуэ тхылъыр къратащ.
- 1940 гъэм СССР-м унафэ къыщащтащ курыт школхэм хамэ къэралыбзэхэр щегъэджыным теухуауэ.
- 1989 гъэм Германием и къалащхьэ Берлин илъэс куэдкIэ зэпызыгъэщхьэхукIыу щыта блыныр къутэн щIадзащ.
- 2000 гъэм Урысейм IэщэкIэ ЗэщIэузэда и Къарухэм къулыкъу щызыщIэхэм я бжыгъэр цIыху мин 600-кIэ гъэмэщIэным теухуа унафэ къащтащ.
- Урыс тхакIуэ цIэрыIуэ Тургенев Иван къызэралъхурэ илъэс 201-рэ ирокъу.
- Уэрэд 400-м щIигъу зытха композитор цIэрыIуэ, СССР-м и цIыхубэ артисткэ, Социалист Лэжьыгъэм и ЛIыхъужь, СССР-м и Къэрал саугъэтыр тIэунейрэ зыхуагъэфэща Пахмутовэ Александрэ и ныбжьыр илъэс 90 ирокъу.
- Адыгей усакIуэ Хьэлэш Сэфарбий и ныбжьыр илъэс 79-рэ ирокъу.
- УФ-м и цIыхубэ сурэтыщI, КъБР-м щIыхь зиIэ и сурэтыщI, Красноярск дэт художественнэ институтым и профессор, РАХ-мрэ ЩIДАА-мрэ я академик Пащты Герман и ныбжьыр илъэс 78-рэ ирокъу.
- Совет шахматист, дунейм и чемпион Таль Михаил къызэралъхурэ илъэс 83-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык уэфIу щыщытынущ. Хуабэр махуэм градус 15 — 19, жэщым градуси 4 — 6 щыхъунущ.
- ЩэкIуэгъуэм и 10,
- тхьэмахуэ
- ФIагъым и дунейпсо махуэщ
- Мамырыгъэмрэ зыужьыныгъэмрэ яхуэлажьэ щIэныгъэм и дунейпсо махуэщ
- Бухгалтерым и дунейпсо махуэщ
- ЩIалэгъуалэм я дунейпсо махуэщ
- Урысей Федерацэм Къэрал кIуэцI IуэхухэмкIэ и органхэм я лэжьакIуэм и махуэщ
- Тыркумэным щагъэлъапIэ гъавэм и махуэр
- 1741 гъэм Черкасский Алексей (адыгэщ) Урысейм и канцлеру ягъэуващ.
- 1885 гъэм Германием и Бад-Каннштатт къалэ цIыкIум икIыу Унтертюркхайм кIуэ гъуэгуанэр зэпичащ дунейм щыяпэ мотоциклым. Ар зэпкърилъхьат нэмыцэ инженер Даймлер Готлиб.
- 1917 гъэм совет милицэр къызэрагъэпэщащ.
- 1933 гъэм Нобель и саугъэтыр урыс тхакIуэ, усакIуэ Бунин Иван къыхуагъэфэщащ.
- 1938 гъэм дунейм ехыжащ Тырку Республикэм и къызэгъэпэщакIуэу икIи абы и япэ президенту щыта Кемаль Мустэфа (Ататюрк).
- 1982 гъэм дунейм ехыжащ совет къэрал къулыкъущIэ, политик, 1964 — 1982 гъэхэм СССР-м и унафэщIу щыта Брежнев Леонид.
- 1935 гъэм Орджоникидзе къалэм (иджыпсту Владикавказщ) къыщызэIуахащ Осетие Ищхъэрэ къэрал театрыр.
- Нэмыцэ усакIуэ цIэрыIуэ, философ, драматург Шиллер Фридрих къызэралъхурэ илъэс 260-рэ ирокъу.
- Авиаконструктор, академик, генерал-полковник, Социалист Лэжьыгъэм щэнейрэ и ЛIыхъужь, Ленин саугъэтымрэ СССР-м и Къэрал саугъэтымрэ (тхуэнейрэ) зыхуагъэфэща Туполев Андрей къызэралъхурэ илъэси 131-рэ ирокъу.
- Совет актёр, режиссёр, сценарийхэр зытхыу щыта, РСФСР-м и цIыхубэ артист Гарин Эраст къызэралъхурэ илъэси 117-рэ ирокъу.
- Совет конструктор, генерал-лейтенант, техникэ щIэныгъэхэм я доктор Калашников Михаил къызэралъхурэ илъэси 100 ирокъу.
- Шыхъуэ, Социалист Лэжьыгъэм и ЛIыхъужь Къалмыкъ Хьэжмурат къызэралъхурэ илъэс 93-рэ ирокъу.
- Италием щыщ композитор, дирижёр цIэрыIуэ, кинофильм куэдым макъамэ телъыджэхэр яхуэзытха Морриконе Эннио и ныбжьыр илъэс 91-рэ ирокъу.
- Журналист, тхакIуэ, КъБР-м щэнхабзэмкIэ щIыхь зиIэ и лэжьакIуэ, «Адыгэ псалъэ» газетым и къудамэм и унафэщIу илъэс куэдкIэ щыта Шыбзыхъуэ Мухьэдин къызэралъхурэ илъэс 85-рэ ирокъу.
- Техникэ щIэныгъэхэм я доктор, КъБКъУ-м и ректору щыта, УФ-м щIэныгъэхэмкIэ щIыхь зиIэ и лэжьакIуэ Къарэмырзэ Барэсбий и ныбжьыр илъэс 72-рэ ирокъу.
- Актёр, теленэтынхэр езыгъэкIуэкI, УФ-м щIыхь зиIэ и артист Ефремов Михаил и ныбжьыр илъэс 56-рэ ирокъу.
- Мэкъумэш щIэныгъэхэм я доктор, КъБКъМУ-м и профессор Шал Тимур и ныбжьыр илъэс 55-рэ ирокъу.
- Урысей футболист, къэралым и командэ къыхэхами ЦСКА-ми я гъуащхьэтетхэм я тренер Овчинников Сергей и ныбжьыр илъэс 49-рэ ирокъу.
- Теленэтынхэр езыгъэкIуэкI, хьэрычэтыщIэ икIи жылагъуэ лэжьакIуэ, «ТЭФИ» саугъэтыр тIэунейрэ зрата Канделаки Тинэ и ныбжьыр илъэс 44-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык уэфIу щыщытынущ. Хуабэр махуэм градус 13 — 16, жэщым градуси 4 — 5 щыхъунущ.
- ЩэкIуэгъуэм и 11
- блыщхьэ
- Энергиер хъумэным и дунейпсо махуэщ
- Щэхуэным и дунейпсо махуэщ
- Урысейм щагъэлъапIэ экономистым и махуэр
- Польшэм и щхьэхуитыныгъэм и махуэщ
- Китайм щагъэлъапIэ фызкъэмышэхэм я махуэр
- Япэ дунейпсо зауэр щиуха махуэщ. Ар екIуэкIащ 1914 гъэм бадзэуэгъуэм и 28-м къыщыщIэдзауэ 1918 гъэм щэкIуэгъуэм и 11 пщIондэ икIи къалъытэ къэрал нэхъыбэ дыдэ зыхэта зауэхэм ящыщу.
- 1837 гъэм Урысейм къыщызэIуахащ цIыхухэр къызэрырашэкI мафIэгухэр зэрыкIуэ япэ гъущI гъуэгур. Абы зэпищIэрт Петербургрэ Царское Село жылэмрэ.
- 1905 гъэм Севастополь и хыдзэлIхэм, кхъухь тедзапIэмрэ тенджыз заводымрэ я лэжьакIуэхэм зыкъаIэтат. Абыхэм къагъэувырт я лэжьапIэ IэнатIэхэр ирагъэфIэкIуэну. Правительствэм и унафэкIэ ахэр щэкIуэгъуэм и 15-м зэбграхуащ.
- 1936 гъэм Инджылызым дунейм щыяпэу телевиденэкIэ къыщатауэ щытащ къэунэхуну махуэм дунейм и щытыкIэр зыхуэдэнум теухуа хъыбар.
- 1990 гъэм дунейм къытехьащ «Российская газета»-м и япэ къыдэкIыгъуэр.
- Урыс тхакIуэшхуэ Достоевский Фёдор къызэралъхурэ илъэси 198-рэ ирокъу.
- Полковник, Бэракъ Плъыжь ордену 6 зрата Шемякин (Къардэн) Михаил къызэралъхурэ илъэси 111-рэ ирокъу.
- Балетмейстер, КъБР-м гъуазджэхэмкIэ щIыхь зиIэ и лэжьакIуэ Гальперин Григорий къызэралъхурэ илъэс 99-рэ ирокъу.
- Экономикэ щIэныгъэхэм я доктор, КъБКъМУ-м и профессор Жанджэрий Юрий и ныбжьыр илъэс 82-рэ ирокъу.
- Мэкъумэш щIэныгъэхэм я доктор, КъБКъМУ-м и профессор, УФ-ми КъБР-ми мэкъумэш хозяйствэмкIэ щIыхь зиIэ я лэжьакIуэ, ЩIДАА-м и академик Хьэмыкъуэ Владимир и ныбжьыр илъэс 80 ирокъу.
- Никарагуам и президент Ортегэ Даниэль и ныбжьыр илъэс 74-рэ ирокъу.
- Филологие щIэныгъэхэм я доктор, КъБКъУ-м и профессор Къэмбэчокъуэ Iэдэм и ныбжьыр илъэс 61-рэ ирокъу.
- Америкэм щыщ актёр цIэрыIуэ, продюсер Леонардэ ди Каприо и ныбжьыр илъэс 45-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык уэфIу щыщытынущ. Хуабэр махуэм градуси 17 — 18, жэщым градуси 5 — 6 щыхъунущ.