Космонавтхэр гъэхьэзырынымкIэ центрым и къудамэхэр Кавказым къыщызэIуахыу щIадзэнущ
2019-11-09
- Космонавтхэр гъэхьэзырынымкIэ центрым и IуэхущIапIэхэр Кавказ Ищхъэрэм и республикэхэм къыщызэIуахыу щIадзэнущ 2020 гъэм. Омск къалэм щыIэ «Полет» производствэ зэгухьэныгъэм щыщыIам апхуэдэу жиIащ «Роскосмосым» и Iэтащхьэ Рогозин Дмитрий.
- «Бгылъэ щIыпIэхэм къулыкъу щыщIэнымрэ парашюткIэ къелъэнымрэ зыщыхуагъэсэнущ Кавказ Ищхъэрэм и республикэхэм къыщызэIутхыну къудамэхэм. Яубзыхуа планым тету апхуэдэ лэжьыгъэхэр къыкIэлъыкIуэ илъэсым щIэддзэу едгъэкIуэкIын хуейщ»,- жиIащ Рогозин Дмитрий.
- Апхуэдэ Санкт-Петербург дэт «Военмех» Балтийскэ къэрал техническэ университетым фокIадэм щыщыIам Рогозин Дмитрий зэрыжиIамкIэ, Космонавтхэр гъэхьэзырынымкIэ центрым и къудамэ къыщызэIуахыну зытраухуахэм ящыщщ Къэбэрдей-Балъкъэрыр.
- КъБР-м и Iэтащхьэмрэ Правительствэмрэ я пресс-IуэхущIапIэ.