Композитор цIэрыIуэ, Къэбэрдей-Балъкъэрым и Гимныр зытха, зауэм хэта Къардэн Хьэсэн зэрылIам къыхэкIыу КIуэкIуэ Казбек абы и унагъуэм, и Iыхьлыхэм, и благъэхэм яхуогузавэ
2019-01-22
- 2019 гъэм щIышылэм и 20-м дунейм ехыжащ РСФСР-м гъуазджэхэмкIэ щIыхь зиIэ и лэжьакIуэ, КъБР-м и Къэрал саугъэтыр зрата, Хэку зауэшхуэм хэта Къардэн Хьэсэн Екъуб и къуэр.
- Щыгъуэ пэкIум хэтащ КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек, КъБР-м и Парламентым и депутатхэр, КъБР-м и Правительствэм и унафэщIхэр, творческэ, ветеран, жылагъуэ зэгухьэныгъэхэм я лIыкIуэхэр, республикэм щыпсэухэр.
- Къардэн Хьэсэн 1923 гъэм мазаем и 23-м къалъхуащ. Езыр дэзыхьэх музыкэм зритыну хунэмысауэ, ар 1942 гъэм и накъыгъэ мазэм фронтым Iухьащ, Кавказыр, Украинэр, Польшэр, Чехословакиер хуит къэзыщIыжахэм яхэтащ, ТекIуэныгъэм и махуэр Берлин щигъэлъэпIащ. Абы къыхуагъэфэща дамыгъэхэм яхэтщ ЩIыхь орденым и III нагъыщэр, «Къэбэрдей-Балъкъэр Республикэм и пащхьэм щиIэ фIыщIэхэм папщIэ» орденыр.
- Къардэн Хьэсэн зэфIэкIышхуэ хэлъу елэжьащ Къэбэрдей-Балъкъэрым ис лъэпкъхэм я профессиональнэ музыкэр зэтегъэувэным.
- КъБР-м и Iэтащхьэмрэ Правительствэмрэ
- я пресс-IуэхущIапIэ.