Мы махуэхэм
2018-07-19
- Бадзэуэгъуэм и 19, махуэку
- Урысей Федерацэм Къэрал кIуэцI IуэхухэмкIэ и министерствэм и юридическэ IэнатIэм и махуэщ
- Тыркумэным щагъэлъапIэ Гъавэм и махуэр
- 1900 гъэм Париж и метрор къызэIуахащ.
- 1903 гъэм лъакъуэрыгъажэмкIэ япэ дунейпсо зэпеуэр екIуэкIащ.
- 1918 гъэм РСФСР-м къару щигъуэтащ япэ совет конституцэм.
- 1920 гъэм Урысейм къыщызэрагъэпэщащ къэралым щIэныгъуэншагъэр щыгъэкIуэдыным пыщIа Iуэхухэр зэкIэлъызыгъэкIуэну комиссэ.
- 1924 гъэм къыдэкIащ «Красный спорт» (иджы — «Советский спорт») газетым и япэ номерыр.
- 1926 гъэм Екатеринослав къалэм и цIэр Днепропетровск жиIэу зэрахъуэкIащ.
- 1941 гъэм Сталин Иосиф СССР-м зыхъумэжыныгъэмкIэ и наркому ягъэуващ.
- 1942 гъэм Къардэн Къубатий Березовскэ куейм фашист кхъухьлъатитI къыщриудыхат.
- 1952 гъэм Финляндием и президент Паасикиви Юхо Хельсинки къыщызэIуихащ ХV гъэмахуэ Олимп джэгухэр. Совет Союзым щыщ спортсменхэр япэу зыхэтар а Олимпиадэрщ.
- 1980 гъэм Москва щыщIидзащ ХХII гъэмахуэ Олимп джэгухэм. СССР-м и командэ къыхэхам абы къыщихьауэ щытащ медали 195-рэ. Советыдзэхэр Афганистаным зэрырашар хабзэншагъэу къызэралъытэр кърырагъэлъагъуэу, Олимпиадэм къэкIуатэкъым къэрал 50-м щIигъум я спортсменхэр.
- 1996 гъэм Атлантэ (США) къыщызэIуахащ ХХVI гъэмахуэ Олимпиадэр. Спортсмен нэхъыбэ дыдэ зыхэтар а зэхьэзэхуэхэрщ — цIыху 10744-рэ.
- БзэщIэныгъэлI, СССР-м ЩIэныгъэхэмкIэ и академием и академик, Нэгумэ Шорэ и IэдакъэщIэкIхэр зыджа Мещанинов Иван къызэралъхурэ илъэси 135-рэ ирокъу.
- ХХ лIэщIыгъуэм и усакIуэ нэхъ лъэщ дыдэхэм хабжэу щыта Маяковский Владимир къызэралъхурэ илъэси 125-рэ ирокъу.
- УФ-м и цIыхубэ артист, режиссёр, тхакIуэ Ливанов Василий и ныбжьыр илъэс 83-рэ ирокъу.
- Совет уэрэджыIакIуэ, актёр, кинорежиссёр, Кур-жым и цIыхубэ артист, СССР-м и Къэрал саугъэтыр зрата Кикабидзе Вахтанг и ныбжьыр илъэс 80 ирокъу.
- Украинэм щыщ боксёр цIэрыIуэ, дунейпсо зэпеуэхэм мызэ-мытIэу щытекIуа, Киев къалэм и Iэтащхьэ Кличко Виталий и ныб-жьыр илъэс 47-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, уэшх тIэкIу къыщешхынущ. Хуабэр махуэм градус 24 — 27-рэ, жэщым градус 19 — 20 щыхъунущ.
- Бадзэуэгъуэм и 20, мэрем
- Шахматхэм я дунейпсо махуэщ. 1966 гъэ лъандэрэ ягъэлъапIэ, 1924 гъэм а махуэ дыдэм Париж Дунейпсо шахмат федерацэр (ФИДЕ) къызэрыщызэрагъэпэщам тращIыхьауэ.
- Японием щагъэлъапIэ тенджызым и махуэр
- Тортым и дунейпсо махуэщ
- Колумбием и щхьэхуитыныгъэм и махуэщ. 1810 гъэм Богота къалэм цIыхухэр къыщызэрыIэтащ, Испанием къыгуэкIыу къэрал щхьэхуит хъуныр къагъэуву.
- 1534 гъэм Кембридж къалэм (Инджылыз) дунейм щыяпэу къыщызэIуахащ тхылъ къыщыдагъэкI IуэхущIапIэ.
- 1561 гъэм Идар Темрыкъуэ ипхъу Гуащэнэ чыристан диныр кърагъэщтащ, Марие цIэри фIащащ.
- 1900 гъэм Франджым щыяпэу къэралым и къалащхьэ Париж метрополитен къыщызэIуахащ.
- 1941 гъэм СССР-м Къэ-рал шынагъуэншагъэм- кIэ и цIыхубэ комиссариатымрэ Къэрал кIуэцI IуэхухэмкIэ цIыхубэ комиссариатымрэ зэгуагъэхьэжри, Къэрал кIуэцI IуэхухэмкIэ наркомат къызэрагъэпэщащ
- 1966 гъэм КПСС-м и ЦК-мрэ СССР-м и Министрхэм я советымрэ унафэ къащтащ Волжскэ автомобиль заводыр Тольятти къалэм щыухуэным теухуауэ.
- 1969 гъэм США-м и «Аполлон-11» кхъухьыр Мазэм тетIысхьащ.
- 1990 гъэм Осетие Ищхъэрэ автономнэ республикэм и Совет Нэхъыщхьэм къищтащ я къэрал суверенитетым теухуа унафэ икIи я къалащхьэ Орджоникидзе нэхъапэм зэреджэу щыта Владикавказ цIэр иритыжащ.
- Совет режиссёр, СССР-м и цIыхубэ артист, «Семнадцать мгновений весны» фильм цIэрыIуэри нэгъуэщI куэди тезыха Лиозновэ Татьянэ къызэралъхурэ илъэс 94-рэ ирокъу.
- Къэрал, парт лэжьакIуэ, политик Къущхьэ Гъумар къызэралъхурэ илъэс 91-рэ ирокъу.
- Къэрал, жылагъуэ лэжьакIуэ, егъэджакIуэ, философие щIэныгъэхэм я доктор, техникэ щIэныгъэхэм я кандидат Хъурей Феликс и ныбжьыр илъэс 80 ирокъу.
- Сабий усакIуэ АфIэунэ Лиуан къызэралъхурэ илъэс 80 ирокъу.
- УсакIуэ, драматург, АР-м гъуазджэхэмкIэ щIыхь зиIэ и лэжьакIуэ, Адыгейм и цIыхубэ тхакIуэ Къуиикъуэ Налбий къызэралъхурэ илъэс 80 ирокъу.
- Экономикэ щIэныгъэхэм я кандидат, Кубанми АР-ми щIэныгъэхэмкIэ щIыхь зиIэ я лэжьакIуэ, ЩIДАА-м и академик, РАЕН-м, Нью-Йорк и академием хэт ТIрахъуэ Энвер и ныбжьыр илъэс 71-рэ ирокъу.
- Урысей фигурист цIэрыIуэ, гъэсакIуэ, Олимп джэгухэм дыжьын, жэз медалхэр къыщызыхьа Жулин Александр и ныбжьыр илъэс 55-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, уэшх тIэкIу къыщешхынущ. Хуабэр махуэм градус 24 — 25-рэ, жэщым градус 17 — 18 щыхъунущ.