ГъащIэм и фIыгъуэ нэхъыщхьэхэр зи тегъэщIапIэ
2021-04-01
- «Адыгэ псалъэ» газетым
- и редактор нэхъыщхьэ
- ХьэфIыцIэ Мухьэмэд деж
- ПщIэ зыхуэсщI Мухьэмэд Мусэбий и къуэ!
- Уи ныбжьыр илъэс 75-рэ зэрырикъумкIэ си гум къыбгъэдэкIыу сынохъуэхъу.
- Уи махуэшхуэм уэ урихьэлIащ уи псэкупсэ лъэщагъкIи уи гуащIэкIи уи къару илъыгъуэ дахэу, лъэпкъым и къуэ пэжу укъалъытэу. Уи къалэмыпэм къыщIэкIа тхылъхэм республикэм щыпсэухэм гушхуэныгъэ къахелъхьэ я щIыналъэм, я цIыхубэм папщIэ, абыхэм гъащIэм и фIыгъуэ нэхъыщхьэхэр я тегъэщIапIэщи. Апхуэдэуи ахэр щIалэгъуалэм гъуазэ дахэ яхуохъу.
- Уи махуэ лъапIэм си гуапэ дыдэу сынохъуэхъу уузыншэу илъэс куэд къэбгъэщIэну, уи гуащIэ мыкIуэщIу, унагъуэ насыпым удэбжьыфIэу, уи Iуэху дэкIыу, лэжьыгъэми ехъулIэныгъэщIэхэр къыщыпхьу, цIыхухэм, дыщалъхуа Къэбэрдей-Балъкъэрым яфI зыхэлъ Iуэхухэр къыбдэхъуу упсэуну!
- ПщIэ къыпхуэзыщI,
- Къэбэрдей-Балъкъэр Республикэм и Iэтащхьэ
- КIУЭКIУЭ Казбек
- Зи юбилейр зыгъэлъапIэ ХьэфIыцIэ Мухьэмэд псалъэ гуапэхэр къыхужаIэу нэгъуэщI телеграммэ куэди къыIэрыхьащ, Урысей Федерацэм и щIыналъэ зэмылIэужьыгъуэхэм я унафэщIхэм, хамэ къэралхэм щылажьэ Адыгэ Хасэхэм, а хэкухэм щыпсэу ди лъэпкъэгъухэм къабгъэдэкIыу.
- Абыхэм ящыщщ КъБР-м и Парламентым и УнафэщIЕгоровэ Татьянэ, КъБР-м и Iэтащхьэм и Администрацэм и УнафэщIКъуэдзокъуэ Мухьэмэд, КъБР-м и Iэтащхьэмрэ Правительствэмрэ я Iуэхухэр зэкIэлъызыгъакIуэ Ащхъуэт Азэмэтджэрий, «Къэбэрдей-Балъкъэр Республикэм и профсоюз организацэхэм я зэгухьэныгъэ» Союзым и унафэщIАмщокъуэ ФатIимэт, КъБР-м щэнхабзэмкIэ и министр Къумахуэ Мухьэдин, Къэрал казначействэм и Управленэу КъБР-м щыIэм и унафэщI IутIыж Шумахуэ, Къэрэшей-Шэрджэс Республикэм и Правительствэм и УнафэщIУэз Аслъэн сымэ, нэгъуэщI къэрал IуэхущIапIэхэм я унафэщIхэм, жылагъуэ лэжьакIуэхэм къабгъэдэкIхэр.