Тыкуэнхэр къапщытэ
2020-06-16
- Бахъсэн щIыналъэ администрацэм, «Роспотребнадзор»-м, волонтёрхэм къапщытащ щIыпIэм щылажьэ тыкуэнхэр санитар жыпхъэхэм зэрытетыр.
- Ахэр щыIащ Ислъэмей, ХьэтIохъущыкъуей, Зеикъуэ къуажэхэм дэт тыкуэнышхуэхэм.
- Абыхэм антисептикхэр къызэрыщагъэсэбэпым, нэкIуIупхъуэхэр щэхуакIуэхэм зэраIулъым щыкIэлъыплъащ.
- «Дэ дызыкIэлъыплъыр тыкуэнтетхэм я лэжьыгъэм и закъуэкъым, атIэ щэхуакIуэхэм коронавирус уз зэрыцIалэр къапкърымыхьэн папщIэ Iэмалхэр къызэгъэпэщауэ щытыным дыхущIокъу. Иджыпсту къагъэува жыпхъэхэм дытетын хуейщ, псом хуэмыдэу нэкIуIупхъуэ пIумылъу тыкуэнхэм, цIыху куэд щызэхуэсхэм ущIыхьэ хъунукъым», — жиIащ Бахъсэн щIыналъэ администрацэм и Iэтащхьэм и къуэдзэ ПщыукI Мухьэрбий.
- IэщIагъэлIхэм къызэралъытэмкIэ, сату щIыпIэхэм я нэхъыбэр къыхуагъэув жыпхъэм тету мэлажьэ.
- Улымбащ Лерэ.