Нобэрэ пщэдейрэ
2020-01-21
- ЩIышылэм и 21, гъубж
- IэплIэ зэхуэщIыным и дунейпсо махуэщ. Ар 1986 гъэм США-м къыщыхалъхьати, абы и хъыбарыр дуней псом псынщIэу щызэлъащIысауэ, къэрал куэдым щагъэлъапIэ.
- УФ-м и инженер дзэхэм я махуэщ. 1701 гъэм Пётр Езанэм Iэ щIидзащ къэралым щыяпэ инженер школ къызэгъэпэщыным теухуа унафэм.
- 1918 гъэм Адыгейм Совет властыр щагъэуващ.
- 1924 гъэм Ленин (Ульянов) Владимир дунейм ехыжащ.
- 1934 гъэм Украинэм и Компартым и ХII съездым унафэ щащIащ республикэм и къалащхьэр Харьков ирахыу Киев ягъэIэпхъуэным теухуауэ.
- 1943 гъэм советыдзэхэм Ставрополь къалэр фашистхэм къыIэщIагъэкIыжащ.
- 1945 гъэм ЦIыхубэ Комиссархэм я Советым унафэ къищтащ Москва Ботаническэ хадэ къыщызэIухыным теухуауэ.
- 1954 гъэм дунейм щыяпэу США-м хьэзыр щыхъуащ атом псыщIагъырыкIуэ кхъухьыр.
- 1985 гъэм Франджым и ЛIыхъужь Хьэгъундокъуэ Елмэсхъан дунейм ехыжащ.
- Франджым щыщ дизайнер-модельер, зи IэдакъэщIэкIхэмкIэ дуней псом цIэрыIуэ щыхъуауэ щыта Диор Кристиан къызэралъхурэ илъэси 115-рэ ирокъу.
- Совет къэфакIуэ, балетмейстер, СССР-м и цIыхубэ артист, Социалист Лэжьыгъэм и ЛIыхъужь Моисеев Игорь къызэралъхурэ илъэси 114-рэ ирокъу.
- Ермэлы композитор, СССР-м и цIыхубэ артист Бабаджанян Арно къызэралъхурэ илъэс 99-рэ ирокъу.
- КъБР-м и цIыхубэ тхакIуэ ХьэхъупащIэ Хьэжбэчыр къызэралъхурэ илъэс 94-рэ ирокъу.
- Испанием щыщ, дуней псом щыцIэрыIуэ опернэ уэрэджыIакIуэ Домингэ Пласидэ и ныбжьыр илъэс 81-рэ ирокъу.
- Совет, америкэ актёр, режиссёр, РСФСР-м и цIыхубэ артист Нахапетов Родион и ныбжьыр илъэс 76-рэ ирокъу.
- УФ-м и цIыхубэ егъэджакIуэ, тхыдэ щIэныгъэхэм я доктор Мэлбахъуэ Борис и ныбжьыр илъэс 75-рэ ирокъу.
- Филологие щIэныгъэхэм я доктор, КъБР-м щIэныгъэхэмкIэ щIыхь зиIэ и лэжьакIуэ БищIо Борис и ныбжьыр илъэс 68-рэ ирокъу.
- УФ-м и цIыхубэ артист Харатьян Дмитрий и ныбжьыр илъэс 60 ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градуси 2 — 3, жэщым щIыIэр градуси 4 — 2 щыхъунущ.
- ЩIышылэм и 22, бэрэжьей
- УФ-м и ПВО-м и кхъухьлъатэдзэхэм я махуэщ
- Нартыху гъэпIэнкIам и махуэщ. МафIэ гуащIэм тет шыуаным нартыху хьэдзэ зыбжанэ ибдзэмэ, уэс Iэтэм хуэдэу къызэрыбырыбым япэу гу лъатащ 1630 гъэм.
- Польшэм щагъэлъапIэ адэшхуэм и махуэр
- 1517 гъэм Мысыр шэрджэс мамлюкхэмрэ тыркудзэмрэ Каир пэмыжыжьэу зэзэуэн щыщIадзащ.
- 1969 гъэм КПСС-м и ЦК-м и Секретарь нэхъыщхьэ Брежнев Леонид яукIыну хэтащ. Космосым щыIа «Союз-4», «Союз-5» кхъухьхэм исахэр Москва и Утыку Плъыжьым Iэтауэ къыщрагъэблэгъэжыным зыхуагъэхьэзырырт. А Iуэхум теухуа дауэдапщэм хэтынут къэралым и унафэщIри. Совет армэм и сержант нэхъыщIэ Ильин Виктор кIэрахъуэкIэ еуащ Утыку Плъыжьым къихьэ, Брежневыр зэрысу игугъа автомашинэм. КъызэрыщIэкIамкIэ, абы исар космонавтхэрт — Терешковэр, Николаевыр, Береговойр Леоновыр. Ауэ, насып яIэти, кIэрахъуэшэхэр абыхэми ялъэIэсакъым.
- 2005 гъэм Корее Ипщэм хамэ къэрал IуэхухэмкIэ и министр Ким Ке Гван хэIущIыIу ищIащ КНДР-м ядернэ Iэщэ зэриIэр.
- Инджылыз усакIуэ Байрон Джордж къызэралъхурэ илъэс 232-рэ ирокъу.
- Сабий тхакIуэ Гайдар Аркадий (и унэцIэ дыдэр Голиковщ) къызэралъхурэ илъэси 116-рэ ирокъу.
- Совет физик, Социалист Лэжьыгъэм и ЛIыхъужь, СССР-м ЩIэныгъэхэмкIэ и академием и академик, Нобель и саугъэтым и лауреат Ландау Лев къызэралъхурэ илъэси 112-рэ ирокъу.
- Урыс совет тхакIуэ, Социалист Лэжьыгъэм и ЛIыхъужь, СССР-м и Къэрал саугъэтыр зрата Проскурин Пётр къызэралъхурэ илъэс 92-рэ ирокъу.
- Урысей актрисэ цIэрыIуэ, РСФСР-м и цIыхубэ артисткэ Талызинэ Валентинэ и ныбжьыр илъэс 85-рэ ирокъу.
- КъБКъУ-м и библиотекэм и унафэщI, КъБР-м щэнхабзэмкIэ щIыхь зиIэ и лэжьакIуэ УнащIэ Розэ къыщалъхуа махуэщ.
- Урысей актёр, продюсер, нэтынхэр езыгъэкIуэкI, УФ-м и Къэрал саугъэтыр зрата Ярмольник Леонид и ныбжьыр илъэс 66-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градуси 4 — 6, жэщым щIыIэр 1 градус щыхъунущ.