2019-09-17
- Дзюдо
- Къэралым и чемпион
- Къэбэрдей-Балъкъэрым щыщ спортсмен Бабыгуей Олег щытекIуащ Нэзрэн къалэм щекIуэ- кIа дзюдомкIэ Урысейм и чемпионатым.
- «Магас» спорт уардэунэм къыщызэрагъэпэща зэхьэзэхуэм хэтащ къэралым и щIыналъэ 61-м къикIа дзюдоист 550-м щIигъу.
- Зи хьэлъагъыр килограмм 73-м нэблагъэхэм я зэпэщIэтыныгъэм текIуэныгъитху, абыхэм ящыщу щыр зэIущIэм хухаха зэмыныр и кIэм нэмыс щIыкIэ, къыщызыхьа ди лъэпкъэгъу Бабыгуей Олег чемпионатым и дыщэ медалыр къыхуагъэфэщащ.
- Къэралым и чемпионыр егъасэ Урысейм щIыхь зиIэ и тренер Ким Руслан.
- ЖЫЛАСЭ Замир.
- Бгырыпх бэнэкIэ
- Тамерлан токIуэ
- Вильнюс къалэм щекIуэкIащ бгырыпх бэнэкIэмкIэ Дунейпсо кубокыр къэхьыным ехьэлIа зэхьэзэхуэ. Абы хэтащ къэрал 20-м я спортсмен нэхъ лъэщхэр.
- Зи хьэлъагъыр килограмм 68-м нэблагъэхэм я гупым щекIуэкIа зэпэщIэтыныгъэ гуащIэхэм пашэныгъэр щиубыдащ Къэбэрдей-Балъкъэрым щыщ КIэрэф Тамерлан. И хьэрхуэрэгъухэм зы Iэмал яримыту дэтхэнэ зы зэIущIэми шэч къызытумыхьэн текIуэныгъэ абы къыщихьащ.
- Къэбэрдей-Балъкъэрым бгырыпх бэнэкIэмкIэ школым къыщыхъуа щIалэщIэм иджыпсту зыщегъасэ Саратов дэт «Урожай» физкультурэ-спорт центрым. Абы и тренерщ Репин Анатолий.
- КЪЭХЪУН Бэч.