Мы махуэхэм
2019-05-14
- Накъыгъэм и 14, гъубж
- Къуалэбзухэм я дунейпсо махуэщ
- Астрономием и дунейпсо махуэщ
- Хьэлэлу сату щIыным и дунейпсо махуэщ
- 1692 гъэм япэ урыс дзэ кхъухьыр псым трагъэхьащ.
- 1796 гъэм инджылыз еджагъэшхуэ Дженнер Эдуард япэу фэрэкI хилъхьащ.
- 1878 гъэм США-м и тыкуэнхэм къыщIалъхьащ Инджылызым щыщ химик Чезбро Роберт зэхилъхьа, медицинэми косметологиеми къыщагъэсэбэп «вазелиныр».
- 1900 гъэм Франджым и къалащхьэ Париж къыщызэIуахащ II Гъэмахуэ Олимп Джэгухэр.
- 1904 гъэм Сент-Луис (США) къыщызэIуахащ III Гъэмахуэ Олимп Джэгухэр.
- 1955 гъэм Албанием, Болгарием, ГДР-м, Венгрием, Польшэм, Румынием, СССР-м, Чехословакием я лIыкIуэхэм зэращIылIащ зэныбжьэгъуным, зэдэлэжьэнымрэ зызэщIэгъэкъуэнымрэ хуагъэпса Варшавэ зэгурыIуэныгъэр.
- 1995 гъэм Беларусь Республикэм щекIуэкIащ япэ цIыхубэ референдумыр. Абы ипкъ иткIэ къащтауэ щытащ къэралым и ныпымрэ и гербымрэ.
- 2008 гъэм Санкт-Петербург и «Зенит» футбол клубым УЕФА-м и Кубокыр къихьащ.
- Экономикэ щIэныгъэхэм я доктор, профессор, УФ-м щIэныгъэхэмкIэ щIыхь зиIэ и лэжьакIуэ Тау Пщыкъан и ныбжьыр илъэс 82-рэ ирокъу.
- Къэрал къулыкъущIэ, тхыдэ щIэныгъэхэм я доктор, Абхъаз Республикэм и япэ президенту щыта Ардзинбэ Владислав къызэралъхурэ илъэс 74-рэ ирокъу.
- Композитор, музыковед Блай Тамарэ къыщалъхуа махуэщ.
- Совет композитор, усакIуэ, продюсер цIэрыIуэ Матецкий Владимир и ныбжьыр илъэс 67-рэ ирокъу.
- США-м щыщ программист, «Facebook» сетым и къызэгъэпэщакIуэ Цукерберг Марк и ныбжьыр илъэс 35-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 21 — 23-рэ, жэщым градус 12 — 15 щыхъунущ.
- Накъыгъэм и 15, бэрэжьей
- Унагъуэхэм я дунейпсо махуэщ
- Климатым и дунейпсо махуэщ
- СПИД узыфэм илIыкIахэм я фэеплъ махуэщ
- Осетие Ищхъэрэ — Алание Республикэм щагъэлъапIэ осетиныбзэмрэ литературэмрэ я махуэр
- 1867 гъэм Жор Плъыжьым и Урысей зэгухьэныгъэр къызэрагъэпэщащ.
- 1930 гъэм США-м щыщ Черч Эллен дунейм щыяпэу стюардессэу лэжьэн щIидзауэ щытащ.
- 1942 гъэм 115-нэ Къэбэрдей-Балъкъэр лъэпкъ шууей дивизэр зауэм кIуащ.
- 1945 гъэм Югославием и дзэм иухащ къэралыр фашист зэрыпхъуакIуэхэм къаIэщIэгъэкIыжын.
- 1955 гъэм СССР-м, Инджылызым, Франджым, США-м, Австрием Венэ Iэ щытрадзащ Австрием и къэралыгъуэр зэфIэгъэувэжыным, ар демократие хабзэхэм тетыным теухуа зэгурыIуэныгъэм.
- 1965 гъэм СССР-м къыщызэрагъэпэщащ ЩIэныгъэхэмкIэ и академием Хьэрш къэхутэныгъэхэмкIэ и институтыр.
- Роман цIэрыIуэ куэд зи къалэмыпэм къыщIэкIа урыс тхакIуэ, драматург, режиссёр Булгаков Михаил къызэралъхурэ илъэси 127-рэ ирокъу.
- Шэрджэс тхакIуэ Темыр Сэлихь къызэралъхурэ илъэси 116-рэ ирокъу.
- Режиссёр, УФ-м гъуазджэхэмкIэ щIыхь зиIэ и лэжьакIуэ, Адыгэ Республикэм и цIыхубэ артист IэхъуэджакIуэ Мэжид къызэралъхурэ илъэси 106-рэ ирокъу.
- Драматург, КъБР-м гъуазджэхэмкIэ щIыхь зиIэ и лэжьакIуэ Акъсырэ Залымхъан къызэралъхурэ илъэси 100 ирокъу.
- ТхакIуэ, драматург, журналист, КъБР-м гъуазджэхэмкIэ щIыхь зиIэ и лэжьакIуэ Дудар Хьэутий къызэралъхурэ илъэс 98-рэ ирокъу.
- Совет актрисэ, СССР-м и цIыхубэ артисткэ Касаткинэ Людмилэ къызэралъхурэ илъэс 94-рэ ирокъу.
- Урысей композитор, Совет Союзым и цIыхубэ артист, СССР-м и Къэрал саугъэтым и лауреат Эшпай Андрей къызэралъхурэ илъэс 94-рэ ирокъу.
- КъБР-м и цIыхубэ артист, режиссёр ШэрыIужь Анатолий къызэралъхурэ илъэс 86-рэ ирокъу.
- ТхакIуэ, журналист, «Адыгэ псалъэ» газетым и къудамэм и унафэщIу илъэс куэдкIэ лэжьа Къамбий Зуфар къызэралъхурэ илъэс 84-рэ ирокъу.
- УФ-м щIыхь зиIэ и артисткэ Светличная Светланэ и ныбжьыр илъэс 79-рэ ирокъу.
- Техникэ щIэныгъэхэм я доктор, РАЕН-ми ЩIДАА-ми я академик, РАН-м и Къэбэрдей-Балъкъэр центрым и тхьэмадэ Иуан Пётр и ныбжьыр илъэс 77-рэ ирокъу.
- УФ-ми, Кубанми, КъБР-ми щIыхь зиIэ я артист, Адыгэ Республикэм и Къэрал саугъэтыр зыхуагъэфэща, Зэныбжьэгъугъэм и орденыр зрата Зыхьэ Заурбий и ныбжьыр илъэс 72-рэ ирокъу.
- Физико-математикэ щIэныгъэхэм я доктор, КъБКъУ-м и профессор ДыщэкI Артур и ныбжьыр илъэс 57-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 25 — 27-рэ, жэщым градус 14 — 16 щыхъунущ.