Фестивалым фрагъэблагъэ
2019-03-26
- Iуащхьэмахуэ лъапэ мэлыжьыхьым и 6-м щрагъэкIуэкIынущ «Эль 3500» макъамэ фестиваль иныр.
- Iуащхьэмахуэ лъапэ метр 3500-кIэ и лъагапIэм тет «Мир» станцым и утым япэу къыщызэрагъэпэщынущ урысей, дунейпсо диджейхэр зыхэтыну макъамэ фестиваль иныр. Ар ирагъэкIуэкIынущ утыкуакIуэ цIэрыIуэхэу Дарэ Идаррэ Качлаев Къазбэчрэ. Абы цIыху 200 — 300 щызэхуэсынущ. ЩыщIидзэнур пщэдджыжьым сыхьэти 10-рщ.
- Апхуэдэ фестивалхэр Европэм и бгы лыжэ зыгъэпсэхупIэ цIэрыIуэхэм, уэс щытелъми утыку зэIухахэм щрагъэкIуэкI хабзэщ. Мы гъэм макъамэ пшыхьыр япэу Iуащхьэмахуэ лъапэ щызэхаублэнущ, нэхъапэу ар къыщызэрагъэпэща лъагапIэхэм ефIэкI щIыпIэм.
- Зэхыхьэр дуней псом Интернетрэ радиокIэ щызэбграгъэхынущ, эфир занщIэкIэ пшыхьым еплъынуи Iэмал щыIэнущ. Ар къызэригъэпэщащ «Эль 3500» щIалэгъуалэ творческэ зэгухьэныгъэм, КъБР-м и Курортхэмрэ туризмэмкIэ министерствэр, Iуащхьэмахуэ щIыпIэ администрацэр, «Эльбрустурист» ОАО-р, «Курорт Эльбрус» АО-р я дэIэпыкъуэгъуу.
- Тарим Алисэ.