Нобэрэ пщэдейрэ
2020-06-18
- Мэкъуауэгъуэм и 18, махуэку
- Гужьеигъуэм и дунейпсо махуэщ
- УФ-м IэщэкIэ ЗэщIэузэда и Къарухэм дзэм пыщIа транспортым и лэжьыгъэр зэкIэлъызыгъакIуэ и къулыкъум и махуэщ
- Азербайджаным щагъэлъапIэ цIыхум и хуитыныгъэхэм я махуэр
- Молдовэм и тхыдэджхэм я махуэщ
- Тыркумэным юстицэмкIэ и органхэм я лэжьакIуэхэм я махуэщ
- 1761 гъэм Урысей империем унафэ къыщащтащ къэралым къулыкъу хуэзыщIахэм пенсэ яхуэгъэувыным теухуауэ.
- 1815 гъэм Инджылызым-рэ Пруссиемрэ я дзэхэм Бонапарт Наполеон и армэр Ватерлоо къалэ цIыкIум деж щызэтракъутащ.
- 1880 гъэм Москва къалэм Пушкин Александр и фэеплъ къыщызэIуахащ. Ар скульптор Опекушин Александр и проекткIэ ящIат.
- 1889 гъэм США-м щыщ Ричардсон Уильям къигупсысащ сабийхэр къызэрырашэкI гу цIыкIур. Иджыпсту ар дуней псом нэхъыбэу къыщагъэсэбэп сабий хьэпшыпхэм ящыщщ.
- 1932 гъэм Женевэ къалэм (Швейцарие) къыщащтащ Баскетбол зэгухьэныгъэхэм я дунейпсо федерацэ къызэгъэпэщыным теухуа унафэ. Иджыпсту абы хэтщ къэрал 213-м я зэгухьэныгъэхэр.
- 1936 гъэм дунейм ехы-жащ совет тхакIуэ, драматург, жылагъуэ лэжьакIуэ Горький Максим.
- 1937 гъэм щIидзащ кхъулъатэкIэ къемытIысэхыу Москва — Полюс Ищхъэрэ — Ванкувер гъуэгуанэр зэпычыным теухуа зекIуэр. Кхъухьлъатэр зэрагъакIуэрт Чкалов Валерий, Байдуков Георгий, Беляков Алек- сандр сымэ.
- 1946 гъэм Италиер Республикэ хъуащ.
- 1955 гъэм «Юность» журналым и япэ номерыр къыдэкIащ.
- 1956 гъэм Налшык музыкэ училищэ къыщызэIуахащ.
- 1960 гъэм дунейм къытехьащ тхьэмахуэм зэ къыдэкI «За рубежом» журналым и япэ номерыр.
- 1974 гъэм дунейм ехыжащ дзэзешэ цIэрыIуэ, къэрал лэжьакIуэ, Совет Союзым и Маршал Жуков Георгий.
- Урысей актёр, режиссёр, СССР-м и цIыхубэ артист, УФ-м и Къэрал саугъэтыр зыхуагъэфэща, къэрал академическэ Театр ЦIыкIум 1988 гъэ лъандэрэ и художественнэ унафэщI Соломин Юрий и ныбжьыр илъэс 85-рэ ирокъу.
- СурэтыщI-живописец Индрис Залымхъан къызэралъхурэ илъэс 80 ирокъу.
- Инджылызым щыщ музыкант, уэрэджыIакIуэ, композитор, дуней псом цIэрыIуэ щыхъуауэ щыта «Битлз» гуп цIэрыIуэр къызэзыгъэпэщахэм яхэта Маккартни Пол и ныбжьыр илъэс 78-рэ ирокъу.
- 1949 гъэм къалъхуащ Качиньский зэкъуэш зэтIолъхуэныкъуэхэу Лехрэ (Польшэм и президенту щытащ, 2010 гъэм мэлыжьыхьым и 10-м Смоленск пэмыжыжьэу кхъухьлъатэ къыщыщехуэхам хэкIуэдахэм ящыщщ) Ярославрэ (Польшэм и премьер-министру щытащ).
- Химие щIэныгъэхэм я доктор, КъБКъМУ-м и профессор Ало Владимир и ныбжьыр илъэс 64-рэ ирокъу.
- Эстрадэм и артист, уэрэджыIакIуэ, нэтынхэр езыгъэкIуэкI Галкин Максим и ныбжьыр илъэс 44-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 24 — 25-рэ, жэщым градус 18 — 19 щыхъунущ.
- Мэкъуауэгъуэм и 19, мэрем
- Лъэсу къэкIухьыным и дунейпсо махуэщ
- США-м щагъэлъапIэ пщылIхэр хуит щыхъужа махуэр. 1862 гъэм США-м и президент Линкольн Авраам Iэ тридзащ я къэралым пщылIыгъэр щымыгъэIэжыным теухуа законым.
- Журт автономнэ областым щагъэлъапIэ я гербымрэ ныпымрэ я махуэр
- Алжирым и революцэм и махуэщ
- Кувейтым и щхьэхуитыныгъэм и махуэщ
- 1920 гъэм РСФСР-м и ЦIыхубэ комиссархэм я советым щIэныгъэншагъэр гъэкIуэдыным теухуа урысейпсо комиссэ къызэригъэпэщащ.
- 1957 гъэм Ленинград къалэм ГъуазджэхэмкIэ и утыкум деж щагъэуващ Пушкин Александр и фэеплъ.
- 1991 гъэм советыдзэхэр Венгрием къишыжын яухащ.
- Совет тхакIуэ, Социалист Лэжьыгъэм и ЛIыхъужь, Лениным и цIэр зезыхьэ саугъэтым, СССР-м, Белоруссием я Къэрал саугъэтхэм я лауреат Быков Ва-силь къызэралъхурэ илъэс 96-рэ ирокъу.
- УФ-м и цIыхубэ артисткэ Селезнёвэ Наталье и ныбжьыр илъэс 75-рэ ирокъу.
- Совет хоккеист цIэрыIуэ, къэралым и гуп къыхэхам и гъуащхьэтету щыта, Олимп Джэгухэм дыщэ, дыжьын медалхэр къыщызыхьа, СССР-м спортымкIэ щIыхь зиIэ и мастер Мышкин Владимир и ныбжьыр илъэс 65-рэ ирокъу.
- Хоккеист цIэрыIуэ, Совет Союзым и гуп къыхэхам хэту Олимп Джэгухэм тIэунейрэ щытекIуа, зэ дыжьын медаль къыщызыхьа, СССР-м спортымкIэ щIыхь зиIэ и мастер Макаров Сергей и ныбжьыр илъэс 62-рэ ирокъу.
- КъБР-м щIыхь зиIэ и журналист, республикэм и Правительствэм и саугъэтыр зрата БищIо Iэсият къыщалъхуа махуэщ.
- Норвегием щыщ спорт- смен Дэли Эрленд Бьёрн и ныбжьыр илъэс 53-рэ ирокъу. ЛыжэкIэ къызэдэжэн спорт лIэужьыгъуэм абы щиIэ ехъулIэныгъэхэм хуэдэ къихьын зыхузэфIэ-кIа зэкIэ дунейм щыIэкъым. Ар Олимп Джэгухэм 8 щытекIуащ, дунейм бгъуэнейрэ и чемпион хъуащ.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 26 — 27-рэ, жэщым градус 18 — 19 щыхъунущ.