Лъэпкъ гвардием и тхьэIухудхэр
2019-03-30
- «Урысей гвардием и тхьэIухуд- 2019» зыфIащауэ Урысей гвардием иригъэкIуэкI зэпеуэм и щIыналъэ Iыхьэр зэфIэкIащ. Абы щытекIуахэр иджыблагъэ щагъэбелджылащ Пятигорск къалэм.
- Урысей гвардием Кавказ Ищхъэрэ округым щиIэ къудамэм и унафэщIым и къуэдзэ, генерал-майор Майстренкэ Владимир ехъуэхъуащ икIи щыхьэт тхылъхэр яритыжащ зэпеуэм щытекIуа пщащэхэм. Гуапэ пщымыхъуу къанэркъым урысейпсо зэпеуэм адыгэ пщащитI зэрыхэтынур. Урысей гвардием КъБР-м щиIэ ведомствэм и лэжьакIуэхэу Лыкъуэжь Маринэрэ Тэтрокъуэ Лианэрэ пхыкIащ икIи ведомствэм къыдигъэкIыну игъэхьэзыр, 2020 гъэм и махуэгъэпсым тетынущ ди пщащэхэм я сурэтхэри. Маринэрэ Лианэрэ зэпеуэм и етIуанэ Iыхьэм зыхуагъэхьэзыр иджыпсту икIи, Урысей гвардием интернетым щиIэ напэкIуэцIым фихьэмэ, ди пщащэхэм папщIэ Iэ фIэтыфынущ.
- IэIэтыр мэлыжьыхьым и 25-м къагъэувыIэнущ икIи абы къигъэлъэгъуам теухуауэ текIуэныгъэр пщащэ 12-м иратынущ. ТхьэIухудхэм фащыхэплъэфынущ Урысей гвардием Инстаграмым щиIэ напэкIуэцIым, Iэ щыфIэтыфынущ http://rosgvard.ru/ru/page/index/krasa-rosgvardii-online-golosovanie напэкIуэцIым.
- Фырэ Анфисэ.