Дунейпсо кубокыр Къамбий Аслъэн зыIэрегъэхьэ
2021-04-10
- СамбэмкIэ Дунейпсо кубокыр зыIэрыгъэхьэным теухуауэ «Харлампиевым и мемориал» зэхьэзэхуэ Мэзкуу щекIуэкIащ. Абы текIуэныгъэ дахэ къыщихьащ Къамбий Аслъэн.
- Килограмм 98-м щIигъу зи хьэлъагъхэм я зэпеуэм абы къыщыпэлъэщын къыхэкIакъым. КIэух зэIущIэм ди лъахэгъум щыхигъэщIащ Узбекистаным къикIа Хусаинов Хусниддин.
- НэхъапэжкIэ Къамбий Аслъэн къыщыхэжаныкIащ Урысей Федерацэм самбэмкIэ и чемпионатым. Гъатхэпэм и кIэухым щыIа а зэхьэзэхуэм хэтащ ди къэралым и щIыпIэ 70-м къикIа бэнакIуэ 600-м нэблагъэ. Мэзкуу и щIыхьыр зыхъумэ адыгэ щIалэм домбеякъ медалыр щызыIэригъэхьащ килограмми 100-м щIигъу зи хьэлъагъхэм я зэпеуэм.
- Мэзкуу Къанщобий.