Сымаджэхэр нэхъ мащIэ мэхъу
2021-01-28
- Коронавирус узыфэ зэрыцIалэм щеIэзэ госпиталитI республикэм щызэхуащIыж. Иужьрей махуи 10-м узыфэм хьэлъэу игъэсымаджэхэм я бжыгъэр щIыналъэм нэхъ мащIэ щыхъуащ. Абы къыхэкIыу КъБР-м Узыншагъэр хъумэнымкIэ и министерствэм унафэ къищтащ Налшык къалэ клиникэ сымаджэщ №2-мрэ Республикэ сабий клиникэ сымаджэщымрэ епхауэ щыIэ госпиталхэм я лэ-жьыгъэр къызэтрагъэувыIэну.
- Мы зэманым а медици-нэ IуэхущIапIэхэм я узыншагъэр щызэфIагъэувэж цIыху 211-м, нэгъуэщI сымаджэхэр щIагъэгъуэлъхьэнукъым. Ахэр къыщIатхыкIыжа нэужь, госпиталыр санитар хабзэхэм тету къыщIагъэкъэбзыкIыжынурэ IуэхущIапIэхэр нэхъапэм зэрылэ-жьам техьэжынущ.
- Узыфэр хьэлъэу зыпкърытхэм я бжыгъэр нэхъ мащIэ щIэхъуам и щхьэусыгъуэу IэщIагъэлIхэм къагъэлъагъуэ эпидемиологие щытыкIэр зэрефIэкIуар, цIыхухэм я шынагъуэншагъэм гулъытэ нэхъ ират зэрыхъуар, жылагъуэм хуащIэ медицинэ Iуэхутхьэбзэхэр хъарзынэу зэрызэтраублар, коронавирус узыфэр зэрапкърытыр пасэу къахутэу и чэзум еIэзэн зэрыщIадзэр, вакцинэр гупурэ зэрырахьэлIэр.
- Дохутырхэр щогугъ узыфэ зэрыцIалэ шынагъуэм ущызыхъумэ мастэхэр цIыхухэм зыхрагъэлъхьэн зэрыщIадзам и фIыгъэкIэ зэман кIэщIым къриубыдэу коронавирусыр зиIэу къагъэлъагъуэ сымаджэхэм я бжыгъэр куэдкIэ нэхъ мащIэ хъуну.
- ЩхьэщэмыщI Изэ.