ДыщэкI Мухьэмэдрэ Мэкъуауэ Аланрэ дунейпсо чемпионхэщ
2019-12-05
- Мэзкуу къалэм щекIуэкIащ лIэужьыгъуэ псори зыхэт каратэмкIэ япэ дунейпсо чемпионатрэ зэхьэзэхуэрэ. Лъэпкъ спортым и зыужьыныгъэм и дежкIэ ар Iуэхугъуэшхуэщ. Зэхыхьэм хэтащ къэрал 30-м къикIа спортсмен 1500-м нэблагъэ.
- Урысей Федерацэм и командэ къыхэхам хэту зэхьэзэхуэм щызэуащ КъБР-м щыщ спортсмен 18 икIи ди къэралым медаль зэмылIэужьыгъуи 7 къыхуахьащ.
- Зыхэта гупхэм пашэныгъэр щаубыдащ Жэмбей Астемыррэ Гъудэ Астемыррэ. Дыжьын медалхэр зыIэрагъэхьащ Капранов Роман, Байрамуков Рашид, Бышэн Залым сымэ. Бетрожь Владимиррэ Бабыгуей Елдаррэ ещанэ хъуащ.
- Дунейпсо чемпионатым дыщэ медалхэр къыщахьащ ДыщэкI Мухьэмэдрэ Мэкъуауэ Аланрэ.
- ЗэфIэкIышхуэ къэзыгъэлъэгъуа ди щIалэхэр ягъасэ Сэбаншы Мурат, Шахмурзаев Шахмурзэ, Мэремыкъуэ Казбек, Джинчарадзе Зураб, Гъудэ Рустам, Бзабзэ Мурат сымэ.
- ЖЫЛАСЭ Замир.