2019-03-05
- Гъатхэпэм и 5, гъубж
- Къыргъызстаным и хеящIэ IэнатIэм и лэжьакIуэхэм я махуэщ
- Азербайджан Республикэм щагъэлъапIэ физкультурэмрэ спортымрэ я махуэр
- 1711 гъэм Пётр Езанэм и унафэкIэ Сенатыр — хабзэубзыху, къэрал Iуэхухэр зэкIэлъызыгъакIуэ орган нэхъыщхьэр — къызэрагъэпэщауэ щытащ.
- 1953 гъэм Сталин (Джугашвили) Иосиф дунейм ехыжащ.
- 1970 гъэм Ядернэ Iэщэм земыгъэубгъуным теухуа зэгурыIуэныгъэм къару игъуэтащ. А зэгурыIуэныгъэм Iэ традзащ дунейм и къэрал щхьэхуит псоми, Израилым, Индием, Пакистанымрэ КНДР-мрэ нэмыщI.
- Адыгэхэм я псэукIэм, зэхэтыкIэм куэдрэ тетхыхьа тхыдэдж, жылагъуэ лэжьакIуэ Фелицын Евгений къызэралъхурэ илъэси 171-рэ ирокъу.
- КъШР-м и къэрал лэжьакIуэ, СССР-м и Совет Нэхъыщхьэм и депутату щыта, Къэрэшей-Шэрджэс автономнэ округым и Адыгэ-Хьэблэ щIыналъэм и унафэщIу лэжьа Къардэн Iэдэм къызэралъхурэ илъэси 108-рэ ирокъу.
- Совет уэрэджыIакIуэ цIэрыIуэу щыта, Урысейм и цIыхубэ артисткэ Миансаровэ Тамарэ къызэралъхурэ илъэс 88-рэ ирокъу.
- Футболисту щыта, СССР-м спортымкIэ щIыхь зиIэ и мастер Маслаченкэ Владимир къызэралъхурэ илъэс 83-рэ ирокъу.
- Полковник, жылагъуэ лэжьакIуэ, Израилым щыIэ Рихьэние къуажэм и Адыгэ Хасэм и тхьэмадэу щыта Гъыш Самир и ныбжьыр илъэс 69-рэ ирокъу.
- Физико-математикэ щIэныгъэхэм я доктор, УФ-м и Къэрал саугъэтым и лауреат, ЩIДАА-м и академик Бэвыжь Мухьэмэд и ныбжьыр илъэс 66-рэ ирокъу.
- Театрымрэ киномрэ я актрисэ, Урысейм и цIыхубэ артисткэ Яковлевэ Еленэ и ныбжьыр илъэс 58-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градуси 8 — 11, жэщым градус 1 — 2 щыхъунущ.
- Гъатхэпэм и 6, бэрэжьей
- Дзэ дохутырым и дунейпсо махуэщ
- Глаукомэ нэ узыфэм ебэныным и дунейпсо махуэщ
- Австралием Лэжьыгъэм и махуэр щагъэлъапIэ
- 1722 гъэм Пётр Езанэм Урысей къэралыгъуэм члисэхэр щыухуэным, ахэр зыхуей-зыхуэныкъуэхэр къахузэгъэпэщыным трагъэкIуэдэн папщIэ ахъшэ къыхахыу мыдэным теухуа унафэм Iэ щIидзащ.
- 1899 гъэм Германием щыщ химик Хоффман Феликс аспирин хущхъуэр зэрызэхилъхьам щыхьэт техъуэ патент къратащ. Нобэми цIыхум нэхъыбэ дыдэрэ къигъэсэбэп хущхъуэхэм ящыщщ ар.
- 1902 гъэм «Реал» (Мадрид) футбол клубыр къызэрагъэпэщащ. Испанием и мызакъуэу, дуней псом щынэхъ цIэрыIуэ дыдэ командэхэм ящыщщ ар.
- 1925 гъэм «Пионерская правда» газетым и япэ номерыр къыдэкIащ.
- Узбекистаным и цIыхубэ усакIуэ, драматург Ниязи Хамза Хакимзаде къызэралъхурэ илъэси 130-рэ ирокъу.
- Авиацэм и маршал, Совет Союзым щэнейрэ и ЛIыхъужь Покрышкин Александр къызэралъхурэ илъэси 106-рэ ирокъу.
- Абхъаз тхакIуэ, СССР-м и Къэрал саугъэтым и лауреат Искандер Фазиль къызэралъхурэ илъэс 89-рэ ирокъу.
- Урыс тхакIуэ-сатирик, Украинэмрэ УФ-мрэ я цIыхубэ артист Жванецкий Миха- ил и ныбжьыр илъэс 85-рэ ирокъу.
- Дунейм щыяпэ цIыхубз-космонавт, Совет Союзым и ЛIыхъужь Терешковэ Валентинэ и ныбжьыр илъэс 82-рэ ирокъу.
- УэрэджыIакIуэ, УФ-м щIыхь зиIэ и артисткэ Булановэ Татьянэ и ныбжьыр илъэс 50 ирокъу.
- США-м щыщ баскетболист цIэрыIуэ, дунейми Олимп Джэгухэми я чемпион, НБА-м плIэнейрэ и чемпион О’Нил Шакил Рашоун и ныбжьыр илъэс 47-рэ ирокъу.
- КъШР-м щIыхь зиIэ и журналист, Къэрэшей-Шэрджэсым къыщыдэкI «Черкес хэку» газетым и редактор нэхъыщхьэм и къуэдзэ Езауэ Маринэ къыщалъхуа махуэщ.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 13 — 16, жэщым градуси 4 — 6 щыхъунущ.