Урысейпсо зэхьэзэхуэм
2018-04-10
- СамбэмкIэ дунейпсо чемпион Къуныжь Мухьэмэд и фэеплъ III урысейпсо зэхьэзэхуэ Черкесск къалэм щызэхэтащ. «А» класс зиIэ зэпеуэм хэтащ къэралым и щIыналъэ 15-м къикIа спортсмен 220-м щIигъу.
- Зи хьэлъагъыр килограмми 100-м щIигъухэм я зэпэщIэтыныгъэм хыхьэу иригъэкIуэкIа зэIущIэхэм псоми щытекIуащ икIи Урысейм спортымкIэ и мастерым и мардэр игъэзэщIащ Къэбэрдей-Балъкъэрым щыщ Борыкъуей Алим. Финал зэIущIэм абы щыхигъэщIащ Адыгейм щыщ Нэгъуей Ибрэхьим.
- Урысейпсо зэхьэзэхуэм жэз медалхэр къыщахьащ Абей Хьэзрэтрэ (кг 52-рэ) Темрокъуэ Азэмэтрэ (кг 57-рэ).
- КЪЭХЪУН Бэч.