2018-01-23
- Нэхъыжьхэм ядоIэпыкъу
- Къэрэшей-Шэрджэс.Республикэм 2017 гъэм псэуалъапхъэ къэщэхуным, я унэхэр зэрагъэпэщыжыным теухуауэ сом мелуани 7,2-рэ ятригъэкIуэдащ Хэку зауэшхуэм хэтахэр зэрыс унагъуиблым, зауэ зэмылIэужьыгъуэхэм щыIа цIыхуи 138-м.
- Республикэр апхуэдэхэм ядоIэпыкъу 2015 гъэм щыщIэдзауэ. Къапщтэмэ, 2015 гъэм ветеран 68-м зыщIагъэкъуащ сом мелуани 3,4-кIэ, 2016 гъэм сом мелуани 7,75-рэ трагъэкIуэдащ ветерани 155-м.
- Адыгей — Италие
- Адыгей.«Агроцентр» фирмэм, пхъэщхьэмыщхьэ жыг зыгъэкIым, иджы Адыгейм и тхыдэм щыяпэу мыIэрысей Италием иригъэшэнущ.
- Адыгейм Мэкъумэш хозяйствэм-кIэ и министерствэм щыгъуазэ дызэрищIамкIэ, фирмэмрэ Италием щы-щу къадэлэжьэнухэмрэ Iэ зыщIадза зэгурыIуэныгъэр жыг мин 600-м тещIыхьащ. Япэу яутIыпщыну жыг мини 150-р Евросоюзым ирашэн папщIэ зыхуеину дэфтэрхэр ягъэхьэзыр. Итальянхэм иращIылIа зэгурыIуэныгъэм мы IуэхущIапIэм Iэмал къритынущ нэгъуэщI къэралхэми ядэлэжьэну.
- Къыхэдгъэщынщи, псынщIэу зызыужь мыIэрысей хадэхэр Адыгейм щагъэкI 2010 гъэ лъандэрэ, республикэм и хьэрычэтыщIэ гуп Италием кIуэуэ мы Iуэхум зыщагъэгъуэза нэужь щIадзауэ.
- УЭРДОКЪУЭ Женя.