Урысей студентхэм я махуэм ирихьэлIэу Къэбэрдей-Балъкъэр Республикэм и Iэтащхьэ КIуэкIуэ Юрий и хъуэхъу
2017-01-25
- 2017 гъэм щIышылэм и 25-м
- Ныбжьэгъу лъапIэхэ!
- Урысей студентхэм я махуэмкIэ си гуапэу сынывохъуэхъу!
- ЦIыхур щеджэ илъэсхэр Iуэху дахэхэмкIэ гъэнщIа лъэхъэнэ хьэлэмэтщ. Апхуэдэу ар гъащIэ гъуэгур къыхэхынымкIэ жэуаплыныгъэ зыпылъ зэманщ. Фэ фи къарум, еджэнымрэ IэщIагъэ зэгъэгъуэтынымрэ фызэрегугъум фи къэкIуэнури, ди къэралым и къэкIуэнури куэдкIэ елъытащ.
- Республикэм щызэтеува Iэмалхэр къэвгъэсэбэпурэ, щIэныгъэ, IэщIагъэ зэгъэгъуэтыным жыджэру фыхущIэкъуну, мурадыфIхэр фиIэну икIи узыншагъэр хъумэным фегугъуу фыпсэуну, фи IэщIагъэр нэсу щIэгъэкъуэн къэфщIыну икIи зэвгъэгъуэта зэфIэкIыр фыщалъхуа Къэбэрдей-Балъкъэрым, ди Хэкум фIыгъуэ къахуэхьыным хуэгъэзауэ къэвгъэсэбэпыну сыфщогугъ.
- Республикэм и студент псоми узыншагъэ быдэ, насып яIэну, тэмэму еджэну, тегушхуэныгъэ яхэлъыну икIи творческэ ехъулIэныгъэхэр къахьыну сохъуэхъу!