Илъэс 95-рэ ирокъу
2013-10-19
- Комсомолыр къызэрыунэхурэ илъэс 95-рэ щрикъу жэпуэгъуэм и 29-м КъБР-м и профсоюзхэм я федерацэр Iуэху щхьэпэхэмкIэ IущIэнущ.
- Куэдым зэращIэжщи, ВЛКСМ-р илъэс 90 щрикъуа 2008 гъэм профсоюзым и узэщIакIуэхэм жыгыщIэу 200 ХьэтIохъущокъуэм и хадэм щыхасауэ щытащ. КъызэгъэпэщакIуэ комитетым щыгъуазэ дызэрищIамкIэ, жэпуэгъуэм и кIэухым иджыри а Iуэхум пащэнущ. КъищынэмыщIауэ, Къэбэрдей-Балъкъэрым и архив IэнатIэмрэ профсоюзхэмрэ зэгъусэу киноконцерт гъэлъэгъуапIэм комсомолым и тхыдэм теухуа выставкэшхуэ къыщызэIуахынущ. Абы щагъэлъэгъуэнущ сурэт, тхыгъэ, документ гъэтIылъыгъэ куэд.
- А псом ищIыIужкIэ ГКЗ-м щекIуэкIынущ ди республикэм и къалэхэмрэ жылагъуэхэмрэ я лIыкIуэхэр зыхэт махуэ- шхуэ зэхыхьэ. ПэкIу нэужьым МафIэ мыужьыхым удз гъэгъахэр тралъхьэнущ икIи абдежым, хабзэ зэрыхъуауэ, пэкIу щрагъэкIуэкIынущ. Мы махуэхэм хасэну жыгхэм я бжыгъэри ягъэбелджылащ — ахэр 400 мэхъу.
- Лъостэн Музэ.