КIуэкIуэ Казбек журналистхэм яIущIащ
2021-06-22
- КъБР-м и Iэтащхьэ КIуэкIуэ Казбек дыгъуасэ яхуэзащ къэралым, республикэм, щIыналъэхэм я хъыбарегъащIэ IуэхущIапIэхэм я лIыкIуэхэм.
- Гулъытэ хэха хуащIу зэIущIэм зыщытепсэлъыхьахэм ящыщщ коронавирус узыфэ зэрыцIалэм пэщIэтынымрэ абы цIыхухэр щыхъума хъун папщIэ вакцинэр яхэлъхьэнымрэ теухуа Iуэхухэр.
- КIуэкIуэ Казбек зэпкърыхауэ жэуап яритащ журналистхэр зыщIэупщIахэм. Абыхэм ящыщт республикэм и экономикэм зегъэужьыным ехьэлIахэр – инвестицэхэр, туризмэр, мэкъумэш IэнатIэр, промышленностыр.
- СМИ-м и лIыкIуэхэм Iэтащхьэм апхуэдэуи зыхуагъэзащ социальнэ мыхьэнэ зиIэ, егъэджэныгъэ, узыншагъэр хъумэн, цIыхухэм социальнэ и лъэныкъуэкIэ къащхьэщыжын унэтIыныгъэхэм ехьэлIа упщIэхэмкIи. КIуэкIуэ Казбек къытеувыIащ республикэм дежкIэ мыхьэнэшхуэ зиIэ унэтIыныгъэхэмкIэ къэрал IуэхущIапIэхэм зэрадэлажьэм кърикIуэхэми.
- КъБР-м и Iэтащхьэмрэ Правительствэмрэ я пресс-IуэхущIапIэ.