Инарыкъуейрэ Курп Ипщэрэ хуэкIуэ гъуэгухэр зэрагъэпэщыж
2021-02-16
- Тэрч щIыналъэм щыщIадзащ Дей — Курп Ищхъэрэ — Осетие Ищхъэрэ-Алание автомобиль гъуэгум щыщ Iыхьэу Курп Ипщэ, Ищхъэрэ жылэхэм хуэкIуэр зэгъэпэщыжын. Лэжьыгъэхэр щрагъэкIуэкIынущ километри 5,85-м.
- А гъуэгум Инарыкъуейри Курп Ипщэри республикэм и къалащхьэмрэ щIыналъэм и центрымрэ пещIэ.
- Къапэщыт лэжьыгъэхэм хохьэ гъуэгум щIы текIутауэ ар зэтегъэтIысхьэныр, псы щIэжыпIэхэр хуэщIыныр, асфальт телъхьэныр, и Iуфэхэр зыхуей хуэгъэзэныр.
- Гъуэгур къызыхуэтыншэу зэрагъэпэщыжынущ «Шынагъуэншэ икIи фIагъ лъагэ зиIэ автомобиль гъуэгухэр» лъэпкъ проектым къыщыгъэлъэгъуахэм тету. Лэжьыгъэ псори мы илъэсым къриубыдэу яухыну я мурадщ.
- ДЖАТЭ Къанщауэ.