Нобэрэ пщэдейрэ
2019-08-27
- ШыщхьэуIум и 27, гъубж
- Урысей кином и махуэщ. 1919 гъэм совет Урысейм и Правительствэм унафэ къыдигъэкIащ къэралым кином пыщIауэ щыIэ IуэхущIапIэ псори цIыхубэм ейуэ къэлъытэным теухуауэ.
- Молдовэ Республикэм и щхьэхуитыныгъэм и махуэщ. 1991 гъэм къащтащ ар къэрал щхьэхуэ зэрыхъуам теухуа Декларацэр.
- 1760 гъэм Урысейм и пащтыхь гуащэ Елизаветэ къэрал къулыкъущIэхэм Iулъ-хьэ къыIахыныр яхуэзымы-дэ унафэ къыдигъэкIащ.
- 1908 гъэм Бельгием къыщызэрагъэпэщащ «Андерлехт» футбол клубыр.
- 1911 гъэм Урысейм къыщызэрагъэпэщащ «ЦСКА» футбол клубыр.
- 1922 гъэм Москва къыщыдэкIащ «Крокодил» журналым и япэ номерыр.
- 1946 гъэм Прагэ къыщызэрагъэпэщащ Студентхэм я дунейпсо зэгухьэныгъэр.
- 1955 гъэм Инджылызым дунейм къыщытехьащ рекордхэр зратхэ япэ тхылъыр, Гиннесс и тхылъкIэ зэджэр.
- 1959 гъэм СССР-м къыщыдэкIащ курыт школхэр фIы дыдэу къэзыухахэр медалхэмкIэ гъэпэжэным теухуа унафэ.
- 2000 гъэм Москва и Останкинэ телечэщанэм мафIэсышхуэ къыщыхъуащ. Зы жэщ-махуэкIэ яхуэгъэункIыфIыфауэ аращ унэм хэщIыныгъэшхуэ езыта мафIэр. Чэщанэр зэгъэпэщыжын щаухар 2004 гъэм и кIэухырщ.
- 2005 гъэм Къэзан къалэм метро къыщызэIуахащ. Ар ирагъэхьэлIат Тэтэрстаным и щыхьэрыр илъэс мин щрикъу махуэшхуэр гъэлъэпIэным.
- Америкэм щыщ тхакIуэшхуэ, жылагъуэ лэжьакIуэ Драйзер Теодор къызэралъхурэ илъэси 148-рэ ирокъу.
- Совет актрисэ, СССР-м и цIыхубэ артисткэ Раневская Фаинэ къызэралъхурэ илъэси 123-рэ ирокъу.
- США-м и 36-нэ президент Джонсон Линдон къызэралъхурэ илъэси 111-рэ ирокъу.
- ЛыжэкIэ къызэдэжэн спорт лIэужьыгъуэмкIэ цIэрыIуэ хъуа, тхуэнейрэ дунейпсо чемпионатым щытекIуа, 1956 гъэм Италием щекIуэкIа Олимпиадэм дыщэ медалыр къыщызыхьа Барановэ (Козыревэ) Любовь къызэралъхурэ илъэс 90 ирокъу.
- Совет актёр, режиссёр, СССР-м и цIыхубэ артист Андреев Владимир и ныбжьыр илъэс 89-рэ ирокъу.
- ТхакIуэ, КъБКъУ-м и доценту щыта Бозий Лудин къызэралъхурэ илъэс 86-рэ ирокъу.
- ТхакIуэ, КъШР-м щIыхь зиIэ и журналист Къантемыр Тыркубий и ныбжьыр илъэс 79-рэ ирокъу.
- Урысей, украин актёр, СССР-мрэ Украинэмрэ я цIыхубэ артист Ступкэ Богдан къызэралъхурэ илъэс 78-рэ ирокъу.
- Урысей космонавт, СССР-ми УФ-ми я ЛIыхъужь Крикалёв Сергей и ныбжьыр илъэс 61-рэ ирокъу.
- Жылагъуэ лэжьакIуэ, Абхъазым и ЛIыхъужь Килбэ Мухьэмэд и ныбжьыр илъэс 61-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 25 — 27-рэ, жэщым градус 18 — 19 щыхъунущ.
- ШыщхьэуIум и 28, бэрэжьей
- Венецием (Италие) къыщызэIуах дунейпсо кинофестивалыр
- 1851 гъэм Санкт-Петербургрэ Москварэ зэпызыщIэ гъущI гъуэгум мафIэгухэр пIалъэ убзыхуам тету щызекIуэныр зэтраублауэ щытащ.
- 1920 гъэм Урысейм цIыхуу щыпсэур зыхуэдизыр зрагъэщIэн папщIэ, совет къэралыгъуэщIэм и Правительствэм и унафэкIэ, ахэр япэу ябжауэ щытащ.
- 1924 гъэм Налшык къыщызэрагъэпэщащ ФизкультурэмкIэ областной совет.
- 1936 гъэм Японием къыщызэрагъэпэщащ «Тойота» автомобиль компаниер.
- 1941 гъэм СССР-м и Совет Нэхъыщхьэм унафэ къищтащ Волгэ Iуфэм Iус нэмыцэхэр а щIыпIэм игъэIэпхъукIауэ Сыбырым, Къэзахъстаным, Курыт Азием шэным теухуауэ. Нэмыцэхэм я совет автономием и цIыхухэм шэч хуащIат фашистхэм ядэIэпыкъуу. Ахэр зэрымыкъуэншар 1964 гъэм хэIущIыIу хъужауэ щытащ.
- Нэмыцэ щIэныгъэлI, усакIуэ Гёте Иоганн Вольфганг къызэралъхурэ илъэс 270-рэ ирокъу.
- Совет тхакIуэ-фантаст, зэдзэкIакIуэ Стругацкий Аркадий къызэралъхурэ илъэс 94-рэ ирокъу.
- Совет тхакIуэ, сценарист Трифонов Юрий къызэралъхурэ илъэс 94-рэ ирокъу.
- Физико-математикэ щIэныгъэхэм я доктор, КъБКъУ-м и профессор Щокъуий Владимир и ныбжьыр илъэс 86-рэ ирокъу.
- Совет актёр, УФ-м и цIыхубэ артист Ивашов Владимир къызэралъхурэ илъэс 80 ирокъу.
- Урысей актрисэ, УФ-м и цIыхубэ артисткэ Гундаревэ Наталье къызэралъхурэ илъэс 71-рэ ирокъу.
- КъБР-м щIыхь зиIэ и журналист Мыз Ахьмэд и ныбжьыр илъэс 65-рэ ирокъу.
- КъБР-м физкультурэмрэ спортымкIэ щIыхь зиIэ и лэжьакIуэ ГъуэплъащIэ ТIэхьир и ныбжьыр илъэс 65-рэ ирокъу.
- Дунейм и щытыкIэнур
- «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 27 — 28-рэ, жэщым градус 16 — 18 щыхъунущ.