Ди щIыналъэм щынэхъ лъэщхэр
2019-06-27
- Урысей Федерацэм щызэхаублащ ЕджакIуэхэм я спартакиадэ. ФутболымкIэ абы и кIэух зэхьэзэхуэм хэтыну хуитыныгъэ къихьащ Къэбэрдей-Балъкъэрым и командэ къыхэхам.
- Иджыблагъэ Ставрополь щекIуэкIа Кавказ Ищхъэрэ федеральнэ округым и зэпеуэм щызэхагъэкIащ щIыналъэм и цIэкIэ футбол зэхьэзэхуэм хэтынур. Ар зи хьэрхуэрэгъу псоми ефIэкIа Къэбэрдей-Балъкъэрым и ныбжьыщIэхэращ. КIэух зэIущIэм абыхэм хэгъэрейхэр 3:1-уэ хагъэщIащ.
- Къэбэрдей-Балъкъэрым и командэ къыхэхар зэхагъэуващ «Спартак-Налшык» сабий-ныбжьыщIэ спорт школымрэ «Налшык» футбол школымрэ я гъэсэнхэмкIэ. Иджы абы зыхуегъэхьэзыр Мордовием и къалащхьэ Саранск щекIуэкIыну ЕджакIуэхэм я спартакиадэм и кIэух зэхьэзэхуэм. АдэкIэ ди щIалэхэм зи щIыхьыр яхъумэнур Къэбэрдей-Балъкъэрым и закъуэкъым, атIэ Кавказ Ищхъэрэ федеральнэ округми зэрыщыту и цIэкIэ зыкъагъэлъэгъуэнущ.
- Жыласэ Заурбэч.