Унагъуэшхуэм я нэхъыжьыфIыр илъэс 90 ирикъуащ
2019-05-28
- Бахъсэн районым щыщ Ислъэмей къуажэм щыпсэу Къуныжь Борис ХьэмтIырэ и къуэр илъэс 90 зэрырикъуам къыхэкIыу УФ-м и Президентымрэ КъБР-м и Iэтащхьэм и къалэнхэр пIалъэкIэ зыгъэзащIэмрэ кърагъэхьа хъуэхъу тхылъхэр иритыжри, нэхъыжьыфIым псалъэ гуапэхэр жриIащ район администрацэм и Iэтащхьэм и япэ къуэдзэ Къэзан Заур.
- Илъэс 12 щрикъуам щегъэжьауэ Къуныжь Борис колхозым щылажьэу щIидзащ и анэ сымаджэм зыщIигъэкъуэн, и шыпхъу нэхъыщIэхэр зыхуей хуигъэзэн папщIэ.
- Къуныжь Борис пхъууэ 5, зы щIалэ ипIащ, къуэрылъхуу 22-рэ, абыхэм я быныжу 28-рэ иIэщ.
- Къэралыр лъэхъэнэ гугъум щитам зэфIигъэкIахэм папщIэ юбилярым къыхуагъэфэщащ «1941-1945 гъэхэм екIуэкIа Хэку зауэшхуэм и лъэхъэнэм псэемыблэжу зэрылэжьам папщIэ» медалыр, юбилей медаль зэмылIэужьыгъуэхэр.
- Чылар Аринэ.