Бахъсэн къалэм МафIащхьэтыхьыр щагъэлъапIэ
2019-03-26
- ЩоджэнцIыкIу Алий и цIэр зезыхьэ ЩэнхабзэмкIэ унэм махуэшхуэ программэ къыщызэрагъэпэщат гъэрэ щIырэ щызэхэкIым ирихьэлIэу. Концерт залым щызэхуэсат цIыху куэд. Ахэр ирагъэплъащ Бахъсэн къалэмрэ Дыгулыб-гъуей къуажэмрэ щэнхабзэмкIэ я унэхэм я артистхэр зыхэта концерт гукъинэжым. Апхуэдэу утыкум зыкъыщагъэлъэгъуащ курыт еджапIэхэм я гъэсэнхэмрэ псоми фIыуэ ялъагъу «Ветеран» творческэ гупымрэ.
- Къызэхуэсахэм концерт нэужьым лъэпкъ шхыныгъуэхэр къапэплъэрт. Бахъсэн къалэм и егъэджэныгъэ IуэхущIапIэхэм ахэр щагъэхьэзрат.
- БАЛЪКЪЫЗ Iэминэ.