Щэм яхуэфэщэн пщIэ къэзылэжьа
2018-12-08
- Темыркъан Юрий Хьэту и къуэм и ныбжьыр илъэс 80 ирокъу
- Адыгэ лъэпкъым къыхэкIа, къэралыр зэрыгушхуэ дирижёр, СССР-м, РСФСР-м, КъБР-м я цIыхубэ артист, Совет Союзым, РСФСР-м, Урысей Федерацэм я Къэрал саугъэтхэм я лауреат Темыркъан Юрий и ныбжьыр дыгъэгъазэм и 10-м илъэс 80 ирокъу.
- Санкт-Петербург Шостакович Дмитрий и цIэр зезыхьэ и къэрал филармонием и художественнэ унафэщI, Санкт-Петербург и академическэ симфоние оркестрым и дирижёр нэхъыщхьэ Темыркъаным бгъэдэлъ зэчийм, и Iэзагъэм я фIыгъэкIэ макъамэ гъуазджэм зригъэужьын хузэфIэкIащ.
- ГъащIэр зыгъэдахэ, гъурыгъу-гурыщIэхэр къэзытIэщI, узыгъэгупсысэ макъамэ нэсыр цIыхухэм я деж нэзыхьэсыфыр, ар зыхезыгъэщIэфыр Юрий хуэдэ зырызщ. Иджыпсту къэралым, гъуазджэм и дунейм Темыркъаным щиубыд увыпIэр къэплъытэмэ, жыпIэ хъунущ абы щэм яхуэфэщэн пщIэ къилэжьауэ.
- Ди гуапэу дохъуэхъу адыгэлI щыпкъэм, и зэфIэкI мыкIуэщIу, цIыхубэм къыхуаIэ лъагъуныгъэм езым и къарум хигъахъуэу илъэс куэдкIэ лэжьэну, узыншэу псэуну!
- Щомахуэ Залинэ.